'હું કેપ્ટન નથી બનવા માગતો...', T20 સીરીઝ જીત્યા બાદ સૂર્યકુમારનું મોટું નિવેદન, જાણો શા માટે આવું કહ્યું

સૂર્યકુમાર યાદવે પલ્લેકેલેમાં રમાયેલી ત્રીજી T20 મેચ પછી પ્લેયર ઓફ ધ સિરીઝનો એવોર્ડ જીત્યા પછી કહ્યું કે, "મને લાગે છે કે છેલ્લી ઓવર કરતાં વધુ જ્યારે અમે 30/4 અને 48/5 ની આસપાસ હતા, તો ટીમે વચ્ચે પોતાનું કેરેક્ટર બતાવ્યું અને રમતને તેનાથી દૂર લઈ ગયા... તે સારું હતું. મને લાગ્યું કે તે ટ્રેક પર 140નો સ્કોર પાર સ્કોર હતો. જ્યારે અમે ફિલ્ડિંગ સેશન દરમિયાન મેદાન પર ઉતર્યા તો મેં તેમને કહ્યું, મેં આ પ્રકારની રમત જોઈ છે. જો આપણે દોઢ કલાક સુધી પોતાનું દિલ લગાવીને રમીએ તો આપણે જીતી શકીએ છીએ."

સૂર્યાએ વધુમાં કહ્યું, "જો તમે 200-220 રન બનાવવા અને જીતવાની રમતનો આનંદ માણી રહ્યાં છો, તો તમારે 30/4 અને 70/5નો પણ આનંદ લેવો જોઈએ કારણ કે તે તમારા જીવનમાં સંતુલન બનાવે છે અને તે જ રીતે તમે આગળ વધો. તેમની પાસે જે કૌશલ્ય અને આત્મવિશ્વાસ છે તે ટેબલ પર લાવે છે, તે મારા કામને ખૂબ જ સરળ બનાવે છે. મેદાન પર અને ડ્રેસિંગ રૂમમાં તેમને સકારાત્મક્તા, એકબીજા માટે તેમની સંભાળ જે બતાવે છે કે આ અવિશ્વસનીય છે."

કેપ્ટન તરીકે સૂર્યકુમાર યાદવે કહ્યું કે, "છેલ્લી મેચ પછી મેં કહ્યું કે, કેટલાક છોકરાઓ આરામ કરવા જઈ રહ્યા છે અને તેઓ સૌથી પહેલા મને કહેવાના હતા. ઠીક છે અમે આરામ કરીશું અને તમે અન્યને તક આપી શકો છો. તેનાથી ટીમનું કેરેક્ટર ખબર પડે છે અને જ્યારે હું બેટિંગ કરવા જાઉં છું, ત્યારે મારા પર થોડું દબાણ હોય છે, મેં સીરિઝ પહેલા કહ્યું હતું કે હું કેપ્ટન બનવા નથી ઈચ્છતો , મારે એક નેતા બનવું છે."