ગિલ-રોહિતે અંગ્રેજોને હંફાવ્યા: IND vs ENG સિરીઝમાં બંનેની બીજી શાનદાર સદી, તોડ્યા અનેક રેકોર્ડ

રોહિતે દ્રવિડ-ગાવસ્કર-સચિનની બરાબરી કરી

Gujarat Tak

IND vs ENG 5th Test: ભારત અને ઈંગ્લેન્ડ (IND vs ENG 5th Test) વચ્ચે પાંચ મેચોની ટેસ્ટ શ્રેણીની છેલ્લી મેચ ધર્મશાલામાં રમાઈ રહી છે. આ મેચના બીજા દિવસે (8 માર્ચ) ભારતીય બેટ્સમેનોનું પ્રદર્શન જોવા લાયક હતું. ભારતની પ્રથમ ઇનિંગમાં કેપ્ટન રોહિત શર્મા અને શુભમન ગીલે શાનદાર સદી ફટકારી છે.

રોહિતે ટેસ્ટ કરિયરની 12મી સદી ફટકારી

રોહિત શર્માએ પોતાના ટેસ્ટ કરિયરની 12મી સદી ફટકારી હતી. શુભમન ગિલની ટેસ્ટ કારકિર્દીની આ ચોથી સદી હતી. રોહિતની સદી 154 બોલમાં આવી, જેમાં 13 ચોગ્ગા અને ત્રણ છગ્ગાનો સમાવેશ થાય છે. રોહિત બાદ શુભમન ગિલે પણ 137 બોલમાં 10 ચોગ્ગા અને પાંચ છગ્ગાની મદદથી પોતાની સદી પૂરી કરી હતી. ખાસ વાત એ છે કે વર્તમાન ટેસ્ટ શ્રેણીમાં બંને ખેલાડીઓની આ બીજી સદી હતી. રોહિત 103 રન બનાવીને બેન સ્ટોક્સનો શિકાર બન્યો હતો.

રોહિતે દ્રવિડ-ગાવસ્કર-સચિનની બરાબરી કરી હતી

ઇંગ્લેન્ડ સામે સૌથી વધુ ટેસ્ટ સદી ફટકારનાર ભારતીય ઓપનરોની યાદીમાં રોહિત સંયુક્ત રીતે પ્રથમ સ્થાને આવી ગયો છે. તેણે સુનીલ ગાવસ્કરની બરાબરી કરી લીધી છે. ગાવસ્કરે ઓપનર તરીકે ઈંગ્લેન્ડ સામે ચાર ટેસ્ટ સદી પણ ફટકારી હતી. એટલું જ નહીં, રોહિત હવે સૌથી વધુ આંતરરાષ્ટ્રીય સદી ફટકારવાના મામલે દ્રવિડની બરાબરી પર પહોંચી ગયો છે.

Of hundreds and celebrations! 👏 🙌

Rohit Sharma 🤝 Shubman Gill

Follow the match ▶️ https://t.co/jnMticF6fc #TeamIndia | #INDvENG | @ImRo45 | @ShubmanGill | @IDFCFIRSTBank pic.twitter.com/yTZQ4dAoEe
— BCCI (@BCCI) March 8, 2024

ભારત માટે સૌથી વધુ ટેસ્ટ સદી

6- રોહિત શર્મા
4- શુભમન ગિલ
3- રવિન્દ્ર જાડેજા
3- યશસ્વી જયસ્વાલ
3- ઋષભ પંત
3- કેએલ રાહુલ

ઈંગ્લેન્ડ સામે સૌથી વધુ ટેસ્ટ સદી (ભારતીય ઓપનર)

4 - સુનીલ ગાવસ્કર
4 - રોહિત શર્મા
3 - વિજય મર્ચન્ટ
3 - મુરલી વિજય
3 - કેએલ રાહુલ

આંતરરાષ્ટ્રીય ક્રિકેટમાં સૌથી વધુ સદી (ઓપનર)

49- ડેવિડ વોર્નર
45- સચિન તેંડુલકર
43- રોહિત શર્મા
42- ક્રિસ ગેલ
41- સનથ જયસૂર્યા
40- મેથ્યુ હેડન

આંતરરાષ્ટ્રીય ક્રિકેટમાં સૌથી વધુ સદી (ભારતીય બેટ્સમેન)

100- સચિન તેંડુલકર
80- વિરાટ કોહલી
48- રાહુલ દ્રવિડ
48- રોહિત શર્મા
38- વિરેન્દ્ર સેહવાગ
38- સૌરવ ગાંગુલી