IND vs ENG: યશસ્વી જયસ્વાલે ફટકારી બેવડી સદી, બનાવ્યો આ ખાસ રેકૉર્ડ

kenil somaiya

યશસ્વી જયસ્વાલ ટેસ્ટમાં બેવડી સદી ફટકારનાર ત્રીજો સૌથી યુવા ભારતીય ખેલાડી બન્યો
જયસ્વાલે 277 બોલમાં પોતાની બેવડી સદી પૂરી કરી હતી
વિઝાગ ટેસ્ટના 1 દિવસના અંતે જયસ્વાલ 179 રન પર અણનમ રહ્યો હતો

IND vs ENG, 2nd Test: ભારત અને ઇંગ્લેન્ડ (IND vs ENG) વચ્ચે વિશાખાપટ્ટનમમાં બીજી ટેસ્ટ રમાઈ રહી છે. પહેલા બેટિંગ કરતાં ભારતની ટીમે 396 રન ફટકાર્યા હતા. જેમાં મુખ્ય ફાળો યશસ્વી જયસ્વાલનો (Yashasvi Jaiswal) છે. આ મેચમાં ઓપનર યશસ્વી જયસ્વાલે બેવડી સદી ફટકારી ઘણા રેકોર્ડ બનાવ્યા છે.

બેવડી સદી ફટકારનાર ત્રીજો સૌથી યુવા ભારતીય બેટ્સમેન

યશસ્વી 22 વર્ષ અને 37 દિવસની ઉંમરમાં બેવડી સદી ફટકારી છે. આ સિદ્ધિ મેળવનાર તે ત્રીજો સૌથી યુવા ભારતીય બેટ્સમેન બની ગયો છે. આ યાદીમાં ગાવસ્કર બીજા સ્થાને છે. વિનોદ કાંબલીએ 21 વર્ષ અને 32 દિવસની ઉંમરમાં 224 રનની ઇનિંગ રમી હતી. આ યાદીમાં સૌથી નાની વયે બેવડી સદી ફટકારવાનો રેકોર્ડ જાવેદ મિયાંદાદના નામે છે.

ટેસ્ટમાં ભારત માટે ડાબોડી બેટ્સમેન દ્વારા બેવડી સદી

239 સૌરવ ગાંગુલી વિરુદ્ધ પાકિસ્તાન, બેંગલુરુ 2007
227 વિનોદ કાંબલી વિરુદ્ધ ઝિમ્બાબ્વે દિલ્હી 1993
224 વિનોદ કાંબલી વિરુદ્ધ ઈંગ્લેન્ડ મુંબઈ WS 1993
206 ગૌતમ ગંભીર વિરુદ્ધ ઓસ્ટ્રેલિયા દિલ્હી 2006
201* યશસ્વી જયસ્વાલ વિરુદ્ધ ઈંગ્લેન્ડ વિઝાગ 2024

277 બોલમાં જયસ્વાલે ફટકારી બેવડી સદી

યશસ્વી જયસ્વાલે 277 બોલમાં પોતાની બેવડી સદી ફટકારી હતી. આ દરમિયાન યશસ્વીએ 18 ફોર અને 7 સિક્સર ફટકારી હતી. ભારત અને ઈંગ્લેન્ડ વચ્ચેની ટેસ્ટ સીરિઝની બીજી મેચ ડૉ.વાયએસ રાજશેખર રેડ્ડી ACA-VDCA ક્રિકેટ સ્ટેડિયમમાં રમાઈ રહી છે.