T20 WC IND vs BAN: મેદાનમાં ઘુસેલા ફેનને US પોલીસે જમીન પર 'પછાડ્યો', રોહિત શર્મા પણ ટેન્શનમાં આવી ગયો

વિરાટ કોહલી બાદ રોહિત શર્માની ફેન ફોલોઈંગ મજબૂત છે. આનું ઉદાહરણ ભારત અને બાંગ્લાદેશ વચ્ચેની વોર્મ-અપ મેચમાં જોવા મળ્યું. રોહિત શર્માનો આ ક્રેઝી ફેન મેચ દરમિયાન ભારતીય કેપ્ટનને મળવા મેદાનમાં ઘુસી ગયો હતો.

પોલીસે ફેનને પિન ડાઉન કર્યો

તે સમયે બાંગ્લાદેશની ટીમ બેટિંગ કરી રહી હતી. 183 રનના ટાર્ગેટનો પીછો કરતી વખતે ફેન સુરક્ષા કોર્ડન તોડીને રોહિતને મળવા મેદાનમાં આવ્યો હતો. આ જોઈને પોલીસ અને સુરક્ષાકર્મીઓ ચોંકી ઉઠ્યા હતા. તે તરત જ મેદાનમાં દોડી ગયા અને આ ફેનને પકડીને તેને પિન ડાઉન કરી દીધો હતો. જે વીડિયો સામે આવ્યો છે તેમાં આ ફેન રોહિત સાથે હાથ મિલાવતો જોવા મળે છે.

રોહિતની પ્રતિક્રિયાએ દિલ જીતી લીધું

આ દરમિયાન રોહિત શર્માનું રિએક્શન જોવા જેવું હતું, વાસ્તવમાં, વીડિયોમાં જોવા મળે છે કે રોહિત પોલીસને ફેન સાથે હળવું વર્તન કરવા અને તેને કોઈપણ પ્રકારની ઈજા ન પહોંચાડવા માટે કહી રહ્યો છે. એકંદરે, રોહિત પણ આ ફેન્સ માટે ચિંતિત દેખાયો. આ વીડિયો સોશિયલ મીડિયા પર વાયરલ થયો છે. આ ઘટના ત્યારે બની જ્યારે બાંગ્લાદેશની ટીમ ન્યૂયોર્કમાં સ્કોરનો પીછો કરી રહી હતી.

આ મેદાન પર ભારત-પાકિસ્તાનની મેચ રમાવાની છે

T-20 વર્લ્ડ કપમાં ભારત અને પાકિસ્તાન વચ્ચે હાઈ-પ્રોફાઈલ મેચ 9 જૂને ન્યૂયોર્કના લોંગ આઈલેન્ડના નાસાઉ કાઉન્ટી ક્રિકેટ સ્ટેડિયમમાં યોજાવાની છે, જ્યાં આતંકવાદી હુમલાના અહેવાલો સામે આવ્યા હતા. આવી સ્થિતિમાં જ્યારે આ ફેન રોહિત શર્મા પાસે પહોંચ્યો તો સુરક્ષા સાથે જોડાયેલા લોકો ચોંકી ગયા. ભારત અને પાકિસ્તાન વચ્ચેની મેચમાં આતંકવાદી હુમલાના અહેવાલો બાદ સુરક્ષાકર્મીઓ સંભવિત હુમલાની સંભાવનાને ધ્યાનમાં રાખીને વ્યાપક તૈયારીઓ કરી રહ્યા હતા.