ASIA CUP 2023 માં ભારતનો બાંગ્લાદેશ સામે શરમજનક રીતે પરાજય

265 રનનો ટાર્ગેટ એચિવ કરવા માટે ઉતરેલી ભારતીય ટીમનુ પ્રદર્શન આઘાતજનક રહ્યું હતું. ભારતીય ટીમનો 6 રનથી પરાજય થયો હતો. સૌથી શરમજનક બાબત રહી કે ભારત પોતાની 9 વિકેટ પણ ગુમાવી દીધી હતી.

ASIA CUP 2023 Live Updates : સુપર-4 ની અંતિમ મેચમાં બાંગ્લાદેશે ભારતને 6 રનથી પરાજીત કર્યું. શુક્રવારે કોલંબોના આર.પ્રેમદાસા સ્ટેડિયમમાં રમાયેલી આ મેચમાં બાંગ્લાદેશે ભારતને જીતવા માટે 266 રનનો ટાર્ગેટ આપ્યો હતો. આ ટાર્ગેટની પાછળ ઉતરેલી ભારતીય ટીમ 259 રન જ બનાવી શકી હતી. ભારતીય ટીમની તરફથી ઓપનર શુભમન ગીલે 133 બોલમાં 121 રન બનાવ્યા હતા. જેમાં આઠ ચોક્કા અને પાંચ છગ્ગા ફટકાર્યા હતા. ગિલના વન-ડે ઇન્ટરનેશનલ કરિયરની આ પાંચમી સદી રહી. ગિલ ઉપરાંત બેટ્સમેનનો મોટો સ્કોર બની શક્યો નહોતો. જેનું પરિણામ ભારતીય ટીમના હારના સ્વરૂપે ભોગવવું પડ્યું.

અત્રે ઉલ્લેખનીય છે કે, આ મેચના પરિણામ કોઇ ખાસ મહત્વનું નથી. ભારત પહેલા જ રવિવારે થનારી ફાઇનલ ક્વોલિફાઇ કરી ચુક્યું હતું. જેમાં તેનો સામનો શ્રીલંકા સામે થશે. બીજી તરફ બાંગ્લાદેશી ટીમ પહેલા જ એશિયા કપથી બહાર થઇ ચુક્યું હતું. જેના કારણે ભારતે વિકાટ કોહલી, હાર્દિક પંડ્યા, મોહમ્મદ સિરાજ, જસપ્રીત બુમરાહ અને કુલદીપ યાદવને રેસ્ટ આપ્યો હતો.

ભારતની વિકેટ આ રીતે પડી:
પ્રથમ વિકેટ- રોહિત શર્મા 0 રન (2/1)
બીજી વિકેટ- તિલક વર્મા 5 રન (17/2)
ત્રીજી વિકેટ- કેએલ રાહુલ 19 રન (74/3)
ચોથી વિકેટ- ઈશાન કિશન 5 રન (94/4)
પાંચમી વિકેટ- સૂર્યકુમાર યાદવ 26 રન (139/5)
છઠ્ઠી વિકેટ- રવિન્દ્ર જાડેજા 7 રન (170/6)
સાતમી વિકેટ- શુભમન ગિલ 121 રન (209/7)
આઠમી વિકેટ- શાર્દુલ ઠાકુર 11 રન (249/8)
નવમી વિકેટ- અક્ષર પટેલ 42 રન (254/9)