IND vs SL: ટીમ ઈન્ડિયાના સિલેક્શન પર Rohit Sharma નો મોટો ખુલાસો, IPL ના ખેલાડીઓ ચિંતામાં!

India vs Sri Lanka Highlights: શ્રીલંકા પ્રવાસ પર ટીમ ઈન્ડિયાને વનડે શ્રેણીમાં હારનો સામનો કરવો પડ્યો હતો. પ્રથમ મેચ ડ્રો થયા બાદ ભારતીય ટીમને આગામી 2 મેચમાં હારનો સામનો કરવો પડ્યો હતો. યજમાન ટીમે 3 મેચની શ્રેણી 2-0થી જીતી લીધી હતી. હાર બાદ પ્રેસ કોન્ફરન્સમાં રોહિત શર્માને ટીમની પસંદગી પ્રક્રિયાને લઈને સવાલો પણ પૂછવામાં આવ્યા હતા. ટીમ ઈન્ડિયાના કેપ્ટન રોહિત શર્માએ કહ્યું છે કે, રણજી ટ્રોફી જેવી ડોમેસ્ટિક ટૂર્નામેન્ટ ટેસ્ટ અને વનડે માટે ટીમ સિલેક્શનના સંદર્ભમાં ખૂબ જ મહત્વપૂર્ણ છે. તેણે સ્વીકાર્યું કે, ઈન્ડિયન પ્રીમિયર લીગ પણ આ બાબતમાં મહત્વની ટૂર્નામેન્ટ છે, પરંતુ તેના આગમનથી ભારતની મુખ્ય સ્થાનિક ટૂર્નામેન્ટનું મહત્ત્વ ઘટ્યું નથી.