Virat Kohli ના પબે કર્યા નિયમોના ઉલાળ્યા, પોલીસે પબ મેનેજર સામે આ કારણે નોંધી FIR

માહિતી અનુસાર, બેંગલુરુના એમજી રોડ પર one8 કોમ્યુન પબ છે. આ પબ વિરાટ કોહલીની માલિકીની છે. બેંગલુરુ પોલીસનું કહેવું છે કે one8 પબ સહિત અન્ય પબ સામે એફઆઈઆર નોંધવામાં આવી છે. એવો આરોપ છે કે પબ ઓપરેટીંગ કલાકો પછી પણ મોડી રાત સુધી ચલાવવામાં આવી રહ્યા હતા.

પોલીસે જણાવ્યું કે, મોટેથી મ્યુઝિક વગાડવાની પણ ફરિયાદ છે

ડીસીપી સેન્ટ્રલે એક નિવેદનમાં જણાવ્યું હતું કે, અમે આવતીકાલે સવારે 1:30 વાગ્યા સુધી ચલાવવા માટે લગભગ 3-4 પબ સામે ફરિયાદ કરી છે. રાત્રે મોટેથી મ્યુઝિક વગાડવામાં આવતું હોવાની ફરિયાદ પણ અમને મળી હતી.

પબ મેનેજર વિરુદ્ધ FIR નોંધવામાં આવી

પોલીસે એમ પણ કહ્યું હતું કે, પબને સવારે 1 વાગ્યા સુધી જ ખુલ્લા રાખવાની છૂટ છે. પબ આનાથી વધુ સમય સુધી ચલાવી શકાશે નહીં. MG રોડ પર સ્થિત one8 Commune Pub ચિન્નાસ્વામી સ્ટેડિયમની નજીક છે. 6 જુલાઈના રોજ, One8 કોમ્યુન પબના મેનેજર વિરુદ્ધ પબને ઓપરેટિંગ સમય કરતાં વધુ ચલાવવા બદલ FIR નોંધવામાં આવી છે.