સચિન, સેહવાગ અને યુવરાજ ફરી ફટકારશે ચોગ્ગા-છગ્ગા, ભારતમાં શરૂ થશે IPL જેવી નવી ટૂર્નામેન્ટ!

એ દિવસ દૂર નથી જ્યારે સચિન તેંડુલકર, યુવરાજ સિંહ, સુરેશ રૈના, ક્રિસ ગેલ, હરભજન સિંહ અને એબી ડીવિલિયર્સ જેવા ખેલાડીઓ ફરીથી મેદાન પર ચોગ્ગા અને છગ્ગા ફટકારતા જોવા મળશે. BCCI આ દિગ્ગજ ખેલાડીઓને માટે ઈન્ડિયન પ્રીમિયર લીગની તર્જ પર એક લિજેન્ડ્સ લીગ શરૂ કરી શકે છે. આ લીગમાં દુનિયાભરના પૂર્વ દિગ્ગજ ખેલાડીઓ રમતા જોવા મળી શકે છે. લીગની શરૂઆત થતાં જ ફેન્સને ફરી એકવાર તેમના ફેવરિટ ખેલાડીઓને રમતા જોવાનો મોકો મળશે. આ લીગ સંપૂર્ણપણે IPLની તર્જ પર રમાશે. પરંતુ તેમાં ફક્ત તે જ ખેલાડીઓ રમી શકશે, જેઓ ઈન્ટરનેશનલ ક્રિકેટમાંથી સંન્યાસ લઈ ચૂક્યા છે અને IPL પણ નથી રમતા.