IND vs AUS Test: અક્ષર પટેલે ફેંક્યો જાદુઈ બોલ, ઈંગ્લેન્ડના દિગ્ગજ બેટરનું ઓફ સ્ટમ્પ ઉખડી ગયું

Yogesh Gajjar

પ્રથમ ટેસ્ટમાં ભારતીય સ્પિનર્સે ઈંગ્લેન્ડની સામે તરખાટ મચાવ્યો.
અક્ષર પટેલના જાદુઈ બોલે જોની બેરસ્ટોના ડાંડિયા ડૂલ થઈ ગયા.
ઈંગ્લેન્ડની ટીમ પ્રથમ ઈનિંગ્સમાં 246 રનમાં ઓલઆઉટ થઈ ગઈ.

Axar Patel bowled Jonny Bairstow, IND vs ENG 1st Test: ઇંગ્લેન્ડ સામેની પ્રથમ ટેસ્ટમાં આખરે જે વિચાર્યું હતું તે જ થયું. ભારતીય સ્પિનરોએ હૈદરાબાદની પિચ પર શાનદાર પ્રદર્શન કર્યું અને ઈંગ્લેન્ડનો ટોપ ઓર્ડર અશ્વિન-જાડેજા અને અક્ષર પટેલની ત્રિપુટી સામે સંપૂર્ણ રીતે સંઘર્ષ કરતો જોવા મળ્યો હતો. અશ્વિન, જાડેજા અને અક્ષર પટેલ ત્રણેયએ શાનદાર બોલિંગ કરીને ઈંગ્લેન્ડના ખેલાડીઓને રન બનાવવા દીધા નહોતા. જોકે હૈદરાબાદ ટેસ્ટના પહેલા દિવસે અક્ષર પટેલે જે કર્યું તેનાથી દુનિયા ચોંકી ગઈ. વાસ્તવમાં, પ્રથમ ટેસ્ટના બીજા સેશનમાં અક્ષર પટેલે એવો બોલ ફેંક્યો જેને જોઈને ઈંગ્લેન્ડના ક્રિકેટરનો પણ વિશ્વાસ ન થયો.

અક્ષર પટેલની કમાલ

અક્ષર પટેલે 33મી ઓવરમાં આ જાદુઈ બોલ ફેંક્યો હતો. ઈંગ્લેન્ડનો બેટ્સમેન જોની બેરસ્ટો ક્રિઝ પર હતો અને તે ટીમ ઈન્ડિયા માટે ખતરો બની રહ્યો હતો. પરંતુ અક્ષરે અદ્ભુત બોલ ફેંકીને તેને ચકીત કરી નાખ્યો. અક્ષર પટેલે આ બોલ ક્રિઝના ખૂણેથી ફેંક્યો હતો. બોલ એટલી લેન્થ અને લાઇન પર હતો કે બેયરસ્ટોએ તેને રમવો પડ્યો. જોકે અક્ષરનો બોલ પીચ પર પડતા જ ટર્ન થઈ ગયો અને આ દરમિયાન ઈંગ્લિશ બેટ્સમેનનું ઓફ સ્ટમ્પ ઉડી ગયું હતું. અક્ષર પટેલનો બોલ જે રીતે સ્પિન કર્યો તે કોઈપણ ડાબા હાથના સ્પિનર માટે સરળ નથી. અક્ષર પટેલના આ બોલનો વીડિયો સોશિયલ મીડિયા પર આગની જેમ વાયરલ થઈ રહ્યો છે.

𝗧𝗵𝗮𝘁. 𝗪𝗮𝘀. 𝗔. 𝗕𝗲𝗮𝘂𝘁! ⚡️ ⚡️@akshar2026 with his first wicket of the match 👏 👏

Follow the match ▶️ https://t.co/HGTxXf8b1E #TeamIndia | #INDvENG | @IDFCFIRSTBank pic.twitter.com/liBwODtcrM

— BCCI (@BCCI) January 25, 2024

અક્ષરના બોલે ઈંગ્લેન્ડમાં આતંક મચાવ્યો!

અક્ષર પટેલે જે રીતે બેયરસ્ટોને બોલ્ડ કર્યો તેનાથી ઈંગ્લેન્ડના ક્રિકેટરોમાં ખળભળાટ મચી ગયો. ઇંગ્લેન્ડના ભૂતપૂર્વ ક્રિકેટર કેવિન પીટરસન, જે કોમેન્ટ્રી પણ કરી રહ્યા છે, આ બોલને જોયા પછી એટલો ડરી ગયો કે તેણે ત્યાં સુધી કહ્યું કે હૈદરાબાદ ટેસ્ટ માત્ર બે દિવસમાં ખતમ થઈ જશે. જો કે, જ્યારે ઇંગ્લેન્ડની ઇનિંગ શરૂ થઈ ત્યારે તેણે 450 રન સુધીનો દાવો કર્યો હતો. પરંતુ અક્ષરનો બોલ જોયા બાદ તેણે તરત જ નિવેદન બદલી નાખ્યું.

સ્પિનર્સે કરી કમાલ

હૈદરાબાદની પીચ પર સ્પિનરોએ અદ્ભુત કમાલ બતાવી. અશ્વિને ભારતને પ્રથમ સફળતા અપાવી હતી. તેણે બેન ડકેટની વિકેટ લીધી હતી. આ ઉપરાંત અશ્વિને ક્રાઉલીની વિકેટ પણ લીધી હતી. આ દરમિયાન જાડેજાએ ખતરનાક સાબિત થઈ રહેલા ઓલી પોપ અને પછી જો રૂટની વિકેટ લીધી હતી. ભારતીય સ્પિનર્સના તરખાટને કારણે ઈંગ્લેન્ડની ટીમ પ્રથમ ઈનિંગ્સમાં 246 રને ઓલઆઉટ થઈ ગઈ હતી. જવાબમાં ભારતે પ્રથમ દિવસના અંત સુધીમાં 1 વિકેટે 119 રન બનાવી લીધા હતા.