AUS vs AFG World Cup 2023: ગ્લેન મેક્સવેલની બેવડી સદી, ઓસ્ટ્રેલિયાની સેમિફાઇનલમાં એન્ટ્રી

AUS vs AFG Full Highlights: ગ્લેન મેક્સવેલે વાનખેડે, મુંબઇમાં બેવડી સદી ફટકારીને ઇતિહાસ રચ્યો. ટાર્ગેટનો પીછો કરતી વખતે મેક્સવેલે સૌથી મોટી ઇનિંગ રમી અને ઓસ્ટ્રેલિયાને હારેલી રમત જીતાડી હતી. એક સમયે ઓસ્ટ્રેલિયાએ માત્ર 91 રનમાં સાત વિકેટ ગુમાવી દીધી હતી. ત્યારે એવું લાગતું હતું કે અફઘાનિસ્તાનની ટીમ આસાનીથી મેચ જીતી જશે, પરંતુ ગ્લેન મેક્સવેલે 201* રનની ઇનિંગ રમીને પોતાની ટીમને હારેલી રમત જીતાડવી. આ જીત સાથે ઓસ્ટ્રેલિયા ટૂર્નામેન્ટની સેમિફાઈનલમાં પહોંચનારી ત્રીજી ટીમ બની ગઈ છે.