AUS Open 2024: 43 વર્ષના રોહન બોપન્નાએ રચ્યો ઈતિહાસ, ઓસ્ટ્રેલિયન ઓપન જીતીને બનાવ્યો વર્લ્ડ રેકોર્ડ

Yogesh Gajjar

ઓસ્ટ્રેલિયન ઓપનમાં 43 વર્ષની ઉંમરે રોહન બોપન્નાએ કમાલ કરી બતાવી.
ઓસ્ટ્રેલિયન ઓપનમાં મેથ્યુ એબ્ડેન સાથે મળીને મેન્સ ડબલ્સનો ખિતાબ જીત્યો.
43 વર્ષીય રોહન બોપન્ના ગ્રાન્ડ સ્લેમ (ઓપન એરા) જીતનાર સૌથી મોટી ઉંમરનો પુરૂષ ખેલાડી બન્યો છે.

Rohan Bopanna Australian Open: ઓસ્ટ્રેલિયન ઓપન 2024 થી ભારતીય ટેનિસ ચાહકો માટે ઘણા સારા સમાચાર આવી રહ્યા છે. અનુભવી ભારતીય ખેલાડી રોહન બોપન્નાએ (Rohan Bopanna) તેના ઓસ્ટ્રેલિયન પાર્ટનર મેથ્યુ એબ્ડેન સાથે મળીને મેન્સ ડબલ્સનો (Men’s Doubles) ખિતાબ જીત્યો છે. 27 જાન્યુઆરી (શનિવાર)ના રોજ મેલબોર્ન પાર્કમાં રમાયેલી ફાઇનલ મેચમાં, બીજા ક્રમની રોહન-એબ્ડેનની જોડીએ ઇટાલીના સિમોન બોલેલી અને આન્દ્રે વાવાસોરીને 7-6 (0), 7-5થી હરાવ્યા હતા.

બોપન્નાએ આ ખેલાડીનો વર્લ્ડ રેકોર્ડ તોડ્યો

43 વર્ષીય રોહન બોપન્ના ગ્રાન્ડ સ્લેમ (ઓપન એરા) જીતનાર સૌથી મોટી ઉંમરનો પુરૂષ ખેલાડી બન્યો છે. અગાઉનો રેકોર્ડ નેધરલેન્ડના જીન-જુલિયન રોજર પાસે હતો, જેણે 40 વર્ષ અને નવ મહિનાની ઉંમરે 2022 ફ્રેન્ચ ઓપનમાં મેન્સ ડબલ્સ ટાઇટલ જીતવા માટે માર્સેલો અરેવોલા સાથે પાર્ટનરશીપ કરી હતી.

ઈટાલીના પ્લેટર્સે આપી કાંટાની ટક્કર

ફાઈનલ મેચમાં ઈટાલીના ખેલાડીઓએ બોપન્ના-એબ્ડેનને ટક્કર આપી હતી. પ્રથમ સેટ ટાઈબ્રેકર સુધી ખેંચાયો. ટાઈબ્રેકરમાં, બોપન્ના-એબ્ડેને સાથે મળીને એક પણ ગેમ ગુમાવી ન હતી અને પ્રથમ સેટ જીત્યો હતો. બીજો સેટ પણ રસપ્રદ હતો, જોકે તે સેટની 11મી ગેમમાં ઈટાલિયન ખેલાડીઓ તૂટી પડ્યા હતા, જેણે બોપન્ના-એબ્ડેનની તરફેણમાં મેચ આવી હતી. ફાઇનલ મેચ 1 કલાક અને 39 મિનિટ સુધી ચાલી હતી.

બોપન્નાએ જીત્યું પહેલું ગ્રાન્ડ સ્લેમ ડબલ્સ ટાઈટલ

જો જોવામાં આવે તો રોહન બોપન્નાનું આ પહેલું ગ્રાન્ડ સ્લેમ ડબલ્સ ટાઈટલ છે. અગાઉ, બોપન્નાનું પુરુષોની ડબલ્સમાં સર્વશ્રેષ્ઠ પ્રદર્શન વર્ષ 2010 અને 2023માં હતું, જ્યારે તેણે યુએસ ઓપનની ફાઇનલમાં જગ્યા બનાવી હતી. આ સિવાય બોપન્ના ફ્રેન્ચ ઓપન (2022) અને વિમ્બલ્ડન (2013, 2015, 2023)માં સેમિફાઇનલમાં પહોંચી ચૂક્યો છે.

Doubles delight 🏆🏆@rohanbopanna 🇮🇳 and @mattebden 🇦🇺 defeat Italian duo Bolelli/Vavassori 🇮🇹 7-6(0) 7-5. @wwos • @espn • @eurosport • @wowowtennis pic.twitter.com/WaR2KXF9kp

— #AusOpen (@AustralianOpen) January 27, 2024

રોહને ફ્રેન્ચ ઓપન જીતી ચૂક્યો છે

રોહન બોપન્નાએ મિક્સ ડબલ્સ હેઠળ 2017માં ફ્રેન્ચ ઓપન 2017 ડબલ્સ વિજેતા ખિતાબ જીત્યો છે. પછી બોપન્નાએ ગેબ્રિએલા ડાબ્રોવસ્કીની સાથે મળીને અન્ના-લેના ગ્રૉનેફેલ્ડ અને રોબર્ટ ફરાહને 2-6, 6-2, [12-10]થી હરાવ્યો. બોપન્નાએ ઓસ્ટ્રેલિયન ઓપનના અંત સુધીમાં નંબર 1નું સ્થાન મેળવી લીધું છે. તે જ સમયે, બોપન્નાના સૌથી સફળ ભાગીદારોમાંના એક મેથ્યુ એબ્ડેનનું મેન્સ ડબલ્સ રેન્કિંગમાં નંબર 2 પર પહોંચવાનું નિશ્ચિત છે. મેથ્યુ એબ્ડેન ઓસ્ટ્રેલિયન ખેલાડી છે.