Asian Games 2023: ક્રિકેટમાં પણ ગોલ્ડ પાક્કો! ભારતે 56 બોલમાં બાંગ્લાદેશને હરાવ્યું, તિલક વર્માની સ્ફોટક ઈનિંગ

Asian Games 2023 Live Update: તિલક વર્માની તોફાની બેટિંગથી ટીમ ઈન્ડિયાએ એશિયન ગેમ્સ મેન્સ ટી-20 ક્રિકેટની ફાઇનલમાં પોતાનું સ્થાન નિશ્ચિત કરી લીધું છે. ટીમ ઈન્ડિયાને મેચ જીતવા માટે માત્ર 97 રનનો ટાર્ગેટ હતો જે તેણે માત્ર 9.2 ઓવરમાં જ પૂરો કરી લીધો હતો. આવી સ્થિતિમાં, ચાલો જાણીએ આ મેચના આ મોટા રેકોર્ડ વિશે.

ભારતે 56 બોલમાં બાંગ્લાદેશને હરાવ્યું

એશિયન ગેમ્સ મેન્સ ક્રિકેટની સેમી ફાઈનલમાં ટીમ ઈન્ડિયાએ ટોસ જીતીને પહેલા બોલિંગ કરવાનો નિર્ણય કર્યો હતો. ટીમ ઈન્ડિયાએ બાંગ્લાદેશને માત્ર 96 રનમાં ઓલઆઉટ કરી દીધું હતું. આ પછી ભારતે 64 બોલ બાકી રહેતા માત્ર 56 બોલમાં જીત મેળવી હતી. ટી20માં પીછો કરતા ટીમ ઈન્ડિયાની આ બીજી સૌથી મોટી જીત છે.

3.4 ઓવરમાં 50નો સ્કોર કર્યો

અલબત્ત, ટાર્ગેટનો પીછો કરવા આવેલી ભારતીય ટીમની પ્રથમ વિકેટ શૂન્ય પર પડી હતી પરંતુ આ પછી રુતુરાજ ગાયકવાડ અને તિલક વર્માએ એવું તોફાન મચાવ્યું હતું કે માત્ર 3.4 ઓવરમાં જ સ્કોર 50 સુધી પહોંચી ગયો હતો. ટી-20 ક્રિકેટમાં આ સૌથી ઝડપી અર્ધસદી છે.

A stroke-filled half-century for Tilak Varma & a heart-warming celebration for his mom follows ♥️

What an inspiring, classy young talent this #TeamIndia southpaw is 👏🙌#Cheer4India #INDvBAN #Cricket #HangzhouAsianGames #AsianGames2023 #SonyLIV pic.twitter.com/mw9EsWpKrl

— Sony LIV (@SonyLIV) October 6, 2023

તિલક વર્માએ ચીનમાં હલચલ મચાવી દીધી

આ સાથે તિલક વર્માએ પોતાની વિસ્ફોટક બેટિંગથી ચીનમાં હલચલ મચાવી દીધી હતી. તિલક ટીમ ઈન્ડિયા માટે T20 નોકઆઉટ મેચોમાં અર્ધશતક ફટકારનાર સૌથી યુવા ખેલાડી બની ગયો છે. તેણે 20 વર્ષની ઉંમરમાં આ સિદ્ધિ મેળવી છે. એટલું જ નહીં, તિલક એવો બેટ્સમેન પણ બની ગયો છે જેણે ટી-20 ક્રિકેટમાં 20 વર્ષ કે તેથી ઓછી ઉંમરમાં સૌથી વધુ અડધી સદી ફટકારી હોય. તિલકે બે વાર આવું કર્યું છે.

બાંગ્લાદેશનો ભારત સામે સૌથી ઓછો સ્કોર

આ સિવાય ટી20 ક્રિકેટમાં ભારત સામે બાંગ્લાદેશ ક્રિકેટ ટીમનો આ સૌથી નાનો સ્કોર પણ છે. અગાઉ 2016માં ઢાકામાં રમાયેલી ટી20 મેચમાં બાંગ્લાદેશની ટીમ માત્ર 121 રન જ બનાવી શકી હતી.