હાર્દિક પંડ્યાથી અલગ થવાની ચર્ચા વચ્ચે નતાશાએ પહેલીવાર શેર કરી તસવીર, છૂટા થવા પર આપ્યા સંકેત?

Hardik Pandya and Natasa Stankovic: ભારતીય T20 વર્લ્ડ કપ ટીમના વાઇસ-કેપ્ટન હાર્દિક પંડ્યા એવા ખેલાડીઓમાંથી એક છે જે પોતાની પ્રોફેશનલ લાઇફની સાથે અંગત જીવનને કારણે પણ ચર્ચામાં રહે છે. પરંતુ છેલ્લા કેટલાક દિવસોથી તેમના અંગત જીવનમાં ઘણી ઉથલપાથલ ચાલી રહી છે. હાલમાં જ ક્રિકેટરને લઈને સમાચાર આવ્યા છે કે તેની અને તેની પત્ની નતાશા સ્ટેનકોવિક વચ્ચે બધું સારું નથી ચાલી રહ્યું. આવી ચર્ચા ત્યારે થઈ જ્યારે નતાશાએ તેના ઈન્સ્ટાગ્રામ એકાઉન્ટ પરથી તેના પતિ હાર્દિકની પંડ્યા સરનેમ ડિલીટ કરી દીધી. આ કારણે અટકળો લગાવવામાં આવી રહી છે કે બંને વચ્ચે બધુ બરાબર નથી અને તેઓ અલગ થઈ રહ્યા છે. આવી સ્થિતિમાં, આ સમાચારો વચ્ચે, નતાશાએ તેની પ્રથમ પોસ્ટ શેર કરી છે, જે ઝડપથી વાયરલ થઈ રહી છે.