અમદાવાદમાં IND vs PAK મેચનો રોમાંચ, ફ્લાઈટનું ભાડું 5 ગણું વધ્યું, 100KM દૂરની હોટલો પણ હાઉસફુલ થશે!

વર્લ્ડ કપનો કાર્યક્રમ જાહેર થતાં જ અમદાવાદમાં આ મેચની તૈયારીઓ તેજ ગતિએ શરૂ થઈ ગઈ છે. અહીં ચાહકોએ હોટલના રૂમ બુક કરાવવાનું શરૂ કરી દીધું છે. આ જ કારણ છે કે અહીં હોટેલના રૂમના ભાડામાં ઘણો વધારો થયો છે. 5 સ્ટાર હોટલમાં એક દિવસ માટે રૂમનું ભાડું 20,000 થી 2.5 લાખ રૂપિયા થઈ ગયું છે.

આ માહોલ એ સમયનો છે જ્યારે ટિકિટનું વેચાણ પણ શરૂ થયું નથી. આઈસીસીએ વર્લ્ડ કપની ટિકિટોની પણ જાહેરાત કરી છે. આ મુજબ, સૌપ્રથમ ફેન્સે ટિકિટ માટે નોંધણી કરાવવી પડશે. આ પછી જ તમે ટિકિટ ખરીદી શકશો. આ રજીસ્ટ્રેશન 15મી ઓગસ્ટથી જ શરૂ થઈ ગયા છે.

ટિકિટ બુક કરાવો તો 100 કિમી દૂરથી પણ રૂમ નહીં મળે!
વિશ્વના સૌથી મોટા ક્રિકેટ સ્ટેડિયમમાં યોજાનારી આ ભારત-પાકિસ્તાન મેચને કારણે સ્ટાર કેટેગરીની હોટેલોમાં એડવાન્સ બુકિંગ લગભગ ફુલ ગયું છે. 3 થી 5 સ્ટાર કેટેગરીની હોટલમાં એક દિવસનું ભાડું 20 હજારથી 2.5 લાખ રૂપિયા સુધી પહોંચી ગયું છે.

પ્રેસિડેન્શિયલ સ્યુટમાં બુકિંગ 1 લાખથી 2.5 લાખ રૂપિયા સુધીની કિંમતમાં કરવામાં આવ્યું છે. જેનું મુખ્ય કારણ ક્રિકેટ પ્રેમીઓમાં મેચની અધીરી રાહ હોવાનું માનવામાં આવે છે. હોટેલ એસોસિએશનનું માનવું છે કે મેચની ટિકિટ કન્ફર્મ થઈ ગયા બાદ અમદાવાદના 100 કિમીની અંદરની તમામ નાની-મોટી હોટેલો અને શેરિંગ ફ્લેટ પણ બુક થઈ જશે.

આ મેચની ટિકિટનું વેચાણ હજુ શરૂ થયું નથી, આ પહેલાની સ્થિતિ છે, તેથી જ્યારે ટિકિટ કન્ફર્મ થશે, ત્યાર બાદ અન્ય સ્થળોએ પણ ભાવ વધશે. તેનું મોટું કારણ એ પણ છે કે સ્ટેડિયમની ક્ષમતા 1 લાખથી વધુ દર્શકોની છે. ગુજરાત બહારથી અંદાજે 30-40 હજાર લોકો આવશે. જેના કારણે ભાવ આસમાને છે.

ફ્લાઈટના ભાડામાં પણ 5 ગણો વધારો થયો છે
હોટલ સિવાય ફ્લાઈટની વાત કરીએ તો એ દિવસોમાં હવાઈ મુસાફરી પણ મોંઘી થઈ ગઈ છે. 13થી 15 ઓક્ટોબર દરમિયાન મુંબઈ અને દિલ્હીથી અમદાવાદ આવતી મોટાભાગની ફ્લાઈટ્સમાં ભાવ 10 હજારથી 25 હજાર સુધી પહોંચી ગયા છે. આ ભાવમાં હજુ વધારો થવાની ધારણા છે. સામાન્ય દિવસોમાં આ ભાડું 2.5 થી 5 હજાર સુધી હોય છે. આ સ્થિતિ છે જ્યારે મેચની ટિકિટનું વેચાણ પણ શરૂ થયું નથી.

આ રીતે ટિકિટ બુક કરવી અને નોંધણી કરવી
ફેન્સ ટિકિટ અને નોંધણી માટે, ICC વેબસાઇટ (www.cricketworldcup.com/register) સિવાય, સત્તાવાર ટિકિટિંગ ભાગીદારોની વેબસાઇટની મુલાકાત લઈને પણ બુકિંગ કરી શકાય છે. નોંધણી હેઠળ, નામ, સરનામું, દેશ જેવી મૂળભૂત માહિતી ભરવાની રહેશે. નોંધણી પછી, ચાહકોએ ટિકિટ બુક કરવા માટે 25 ઓગસ્ટ સુધી રાહ જોવી પડશે.

વર્લ્ડ કપ 2023ની ટિકિટ 25 ઓગસ્ટથી અલગ-અલગ તબક્કામાં વેચવામાં આવશે. પ્રથમ દિવસે, ચાહકો પાસે તમામ ભારતની પ્રેક્ટિસ મેચો અને તમામ અન્ય દેશોની વર્લ્ડ કપની મેચોની ટિકિટ ખરીદવાનો વિકલ્પ હશે. એટલે કે ભારતીય ટીમની મેચો સિવાય તમે અન્ય તમામ મેચો અને વોર્મ-અપ મેચોની ટિકિટ બુક કરાવી શકશો.

ભારતીય મેચોની ટિકિટ 30 ઓગસ્ટથી ઉપલબ્ધ થશે
જ્યારે ભારતીય ટીમની મેચો અને વોર્મ-અપ મેચોની ટિકિટ 30 ઓગસ્ટથી 3 સપ્ટેમ્બર સુધી ઉપલબ્ધ રહેશે. અમદાવાદમાં રમાનાર ભારત-પાકિસ્તાન મેચની ટિકિટ 3 સપ્ટેમ્બરે ઉપલબ્ધ થશે. જ્યારે સેમી ફાઈનલ અને ફાઈનલની ટિકિટ 15 સપ્ટેમ્બરે ખરીદી શકાશે. ટિકિટ બુક કરાવ્યા બાદ ચાહકોએ હાર્ડ કોપી દ્વારા સ્ટેડિયમમાં પ્રવેશ કરવો પડશે. આ માટે વર્લ્ડ કપની મેચોની યજમાની કરતા શહેરોમાં ટિકિટ કલેક્શન કાઉન્ટર બનાવવામાં આવશે.