આયરલેન્ડ પ્રવાસ પહેલા જસપ્રીત બુમરાહ મુશ્કેલીમાં, દ્રવિડ બાદ હવે લક્ષ્મણનો પણ સાથ નહીં મળે!

ક્રિકબઝના એક સમાચાર અનુસાર, મુખ્ય કોચ રાહુલ દ્રવિડ અને તેના સપોર્ટ સ્ટાફને આરામ આપવામાં આવ્યો છે. તે લાંબા સમયથી ટીમ ઈન્ડિયા સાથે કામ કરી રહ્યો છે અને બ્રેક લઈ શક્યો નથી. આ કારણથી દ્રવિડ ટીમ ઈન્ડિયા સાથે આયર્લેન્ડ નહીં જાય. વીવીએસ લક્ષ્મણ પણ તેમની સાથે નહીં જાય. લક્ષ્મણ અને દ્રવિડ ઘણા અનુભવી છે. પરંતુ તેઓ આયર્લેન્ડ પ્રવાસ પર રહેશે નહીં. તેનાથી યુવા ખેલાડીઓને થોડું નુકસાન થઈ શકે છે. ભારતે આયર્લેન્ડ પ્રવાસ માટે મોટાભાગના યુવા ખેલાડીઓની પસંદગી કરી છે.

દ્રવિડ અને લક્ષ્મણની ગેરહાજરીમાં ટીમ ઈન્ડિયાના સપોર્ટ સ્ટાફમાં સિતાંશુ કોટક અને સાઈરાજ બહુતુલેને તક આપવામાં આવી શકે છે. સાઈરાજ ટીમ ઈન્ડિયાના પૂર્વ ક્રિકેટર છે. ડોમેસ્ટિક મેચોમાં તેમનો રેકોર્ડ સારો છે. સાઈરાજનો કોચિંગમાં પણ સારો રેકોર્ડ છે. સિતાંશુ ડોમેસ્ટિક મેચોના ખેલાડી રહ્યો છે. ક્રિકેટમાંથી બ્રેક લીધા બાદ તે કોચિંગમાં વ્યસ્ત છે.

મહત્વપૂર્ણ છે કે, ટીમ ઈન્ડિયાએ ઋતુરાજ ગાયકવાડ, યશસ્વી જયસ્વાલ, તિલક વર્મા, રિંકુ સિંહ અને વોશિંગ્ટન સુંદરને આયર્લેન્ડ પ્રવાસ માટે તક આપી છે. શિવમ દુબે, શાહબાઝ અહેમદ, સંજુ સેમસન અને જીતેશ શર્મા પણ ટીમનો ભાગ છે. બુમરાહને કેપ્ટનશીપ મળી છે. અવેશ ખાન, રવિ બિશ્નોઈ, મુકેશ કુમાર અને પ્રખ્યાત કૃષ્ણાને પણ તક મળી છે.