અફઘાની ખેલાડીએ અમદાવાદના શ્રમજીવીઓને અડધી રાત્રે કર્યું ગુપ્તદાન, વીડિયો વાયરલ

અફઘાની ખેલાડી મોડી રાત્રે અમદાવાદના રસ્તા પર પહોંચ્યો

અફઘાની વિકેટકિપર અને બેટ્સમેન રહેમાનુલ્લાહ ગુરબાઝ મોડી રાત્રે અમદાવાદના રસ્તાઓ પર ફરવા નિકળ્યો હતો. ત્યારે તેણે ફુટપાથ પર રહેલા કેટલાક લોકોને 500 રૂપિયાની નોટો વહેંચી હતી. અફઘાનિસ્તાન ટીમને ભારતીય પ્રેક્ષકોનો સપોર્ટ અને અપરંપાર પ્રેમ મળ્યો છે. જો કે હવે આ ખેલાડીઓ પણ પોતાની ફરજ નિભાવવાનું ચુકતા નથી. ગુરબાઝે ઉંઘી રહેલા શ્રમજીવી લોકોને 500-500 રૂપિયાની નોટો વહેંચી હતી.

Rahmanullah Gurbaz silently gave money to the needy people on the streets of Ahmedabad so they could celebrate Diwali.

- A beautiful gesture by Gurbaz. pic.twitter.com/6HY1TqjHg4

— Mufaddal Vohra (@mufaddal_vohra) November 12, 2023

આ દરમિયાન એક આરજેએ આ વીડિયો શુટ કર્યો હતો. આ વીડિયો તેણે પોતાના સોશિયલ મીડિયા હેન્ડલ પર પોસ્ટ કર્યો હતો. જોત જોતામાં આ વીડિયો ખુબ જ વાયરલ થયો હતો. અત્રે ઉલ્લેખનીય છે કે, અફઘાની ખેલાડી રાશિદ ખાન અને રહેમાનુલ્લાહ ગુરબાઝ પ્રતિ વર્ષ ભારતમાં લાંબો સમય પસાર કરે છે. તેઓ IPL દરમિયાન અને વર્લ્ડકપ દરમિયાન પણ ભારતમાં છે. તે ગુજરાત ટાઇટન્સ માટે પણ રમી ચુક્યો છે અને ગુજરાતનું હોમગ્રાઉન્ડ અમદાવાદ છે. અફઘાનિસ્તાનની છેલ્લી મેચ અમદાવાદના નરેન્દ્ર મોદી સ્ટેડિયમમાં દક્ષિણ આફ્રિકા સામે રમાઇ હતી. જેમાં અફઘાનિસ્તાને 5 વિકેટે પરાજયનો સામનો કરવો પડ્યો હતો.