નવી દિલ્હી : એશિયા કપનો ખિતાબ જીત્યા બાદ હવે ભારતીય ટીમે ઓસ્ટ્રેલિયા સામે ઘર આંગણે 3 મેચની વનડે શ્રેણી રમવાની છે. આ માટે ભારતીય ક્રિકેટ કંટ્રોલ બોર્ડ (BCCI)એ પોતાની ટીમની જાહેરાત કરી છે. આ સીરીઝ બાદ ભારતીય ટીમે પોતાના ઘરે જ ODI વર્લ્ડ કપ 2023 રમવાનો છે.
Indian Squad for Australia Series
ભારતીય ક્રિકેટ ટીમે એશિયા કપ 2023નો ખિતાબ ખૂબ જ શાનદાર રીતે જીત્યો. તેણે શ્રીલંકાને 50 રનમાં આઉટ કરી દીધું. આ પછી 10 વિકેટે ફાઈનલ અને ટાઈટલ જીત્યું. હવે ભારતીય ટીમે ઘરઆંગણે ઓસ્ટ્રેલિયા સામે 3 મેચની વનડે શ્રેણી રમવાની છે. આ સીરીઝ બાદ ભારતીય ટીમે પોતાના ઘરે જ ODI વર્લ્ડ કપ 2023 રમવાનો છે. ભારતીય ક્રિકેટ કંટ્રોલ બોર્ડ (BCCI) વર્લ્ડ કપ માટે તેની 15 સભ્યોની ટીમની જાહેરાત કરી ચૂક્યું છે.
https://x.com/BCCI/status/1703789170911818104?s=20
હવે BCCIએ પણ ઓસ્ટ્રેલિયા સામેની સિરીઝ માટે પોતાની ટીમની જાહેરાત કરી છે. રોહિત-કોહલી અને પંડ્યાને આરામ આપવામાં આવ્યો છે. BCCI ની પસંદગી સમિતિએ કેપ્ટન રોહિત શર્મા, વિરાટ કોહલી અને ઓલરાઉન્ડર હાર્દિક પંડ્યાને ઓસ્ટ્રેલિયા સિરીઝમાંથી આરામ આપ્યો છે. તેમની જગ્યાએ કેએલ રાહુલને કમાન સોંપવામાં આવી છે. જ્યારે જાડેજાને વાઇસ કેપ્ટન બનાવવામાં આવ્યો છે. તેમજ અનુભવી ઓફ સ્પિનર રવિચંદ્રન અશ્વિન, વોશિંગ્ટન સુંદર અને ઝડપી બોલર પ્રસિદ્ધ ક્રિષ્ના ભારતીય ટીમમાં પરત ફર્યા છે.
શ્રેણીની પ્રથમ બે વનડે માટે ભારતીય ટીમ
કેએલ રાહુલ (કેપ્ટન, વિકેટકીપર), રવિન્દ્ર જાડેજા (વાઈસ કેપ્ટન) , રુતુરાજ ગાયકવાડ, શુભમન ગિલ, શ્રેયસ ઐયર, સૂર્યકુમાર યાદવ, તિલક વર્મા, ઈશાન કિશન (WK), શાર્દુલ ઠાકુર, વોશિંગ્ટન સુંદર, રવિચંદ્રન અશ્વિન, જસપ્રિત બુમરાહ, મોહમ્મદ શમી, મોહમ્મદ સિરાજ અને પ્રસિદ્ધ ક્રિષ્ના.
પ્રથમ બે ODI માટે ટીમ
કેએલ રાહુલ (સી એન્ડ ડબલ્યુકે), રવિન્દ્ર જાડેજા (વાઈસ-કેપ્ટન), રૂતુરાજ ગાયકવાડ, શુભમન ગિલ, શ્રેયસ ઐયર, સૂર્યકુમાર યાદવ, તિલક વર્મા, ઈશાન કિશન (વિકેટકીપર), શાર્દુલ ઠાકુર, વોશિંગ્ટન સુંદર, આર અશ્વિન, જસપ્રીત બુમરાહ, મોહમ્મદ. શમી, મોહમ્મદ. સિરાજ,
ઓસ્ટ્રેલિયા સામે 22 સપ્ટેમ્બરે પ્રથમ મેચ
ભારત અને ઓસ્ટ્રેલિયા વચ્ચે ત્રણ મેચની ODI શ્રેણીની પ્રથમ મેચ 22 સપ્ટેમ્બરે મોહાલીમાં રમાશે. બીજી વનડે મેચ 24 સપ્ટેમ્બરે ઈન્દોરમાં રમાશે. આ પછી સિરીઝની છેલ્લી મેચ 27 સપ્ટેમ્બરે રાજકોટમાં રમાશે. ઓડીઆઈ સિરીઝ બાદ ભારતીય ટીમ વર્લ્ડકપ રમશે. વર્લ્ડ કપમાં ભારતીય ટીમનો પ્રથમ મુકાબલો ઓસ્ટ્રેલિયા સામે 8 ઓક્ટોબરે ચેન્નાઈના મેદાન પર થશે. વર્લ્ડ કપની ફાઇનલ મેચ 19 નવેમ્બરના રોજ અમદાવાદમાં રમાશે.
ભારત-ઓસ્ટ્રેલિયા ODI સિરીઝનું શેડ્યૂલ
પ્રથમ ODI – 22 સપ્ટેમ્બર – મોહાલી બીજી ODI – 24 સપ્ટેમ્બર – ઈન્દોર ત્રીજી ODI – 27 સપ્ટેમ્બર – ODI સિરીઝ માટે રાજકોટ ઑસ્ટ્રેલિયા ટીમની જાહેરાત કરવામાં આવી છે. ભારત સામેની આ ODI સીરીઝ માટે ઓસ્ટ્રેલિયન ટીમની જાહેરાત થઈ ચૂકી છે. 18 સભ્યોની ઓસ્ટ્રેલિયન ટીમનું સુકાન પેટ કમિન્સ સંભાળશે, જે ઈજાના કારણે દક્ષિણ આફ્રિકાના પ્રવાસમાંથી બહાર થઈ ગયો હતો. ટ્રેવિસ હેડને પણ ટીમમાં સ્થાન મળ્યું નથી. સાઉથ આફ્રિકા સામેની ચોથી વનડે દરમિયાન હેડને ડાબા હાથમાં ફ્રેક્ચર થયું હતું. હેડના સ્થાને ઓપનર મેથ્યુ શોર્ટને ટીમમાં જગ્યા મળી છે. ગ્લેન મેક્સવેલ, સ્ટીવ સ્મિથ અને મિશેલ સ્ટાર્કની કાંગારુ ટીમમાં વાપસી થઈ છે. આ ત્રણેય ખેલાડીઓ પણ ઈજાના કારણે દક્ષિણ આફ્રિકાના પ્રવાસમાંથી બહાર થઈ ગયા હતા.
ODI શ્રેણી માટે ઓસ્ટ્રેલિયન ટીમ
પેટ કમિન્સ (કેપ્ટન), સીન એબોટ, એલેક્સ કેરી, નાથન એલિસ, કેમેરોન ગ્રીન, જોશ હેઝલવુડ, જોશ ઈંગ્લિસ, સ્પેન્સર જોન્સન, માર્નસ લાબુશેન, મિશેલ માર્શ, ગ્લેન મેક્સવેલ, તનવીર સંઘા, મેથ્યુ શોર્ટ, સ્ટીવ સ્મિથ , મિશેલ સ્ટાર્ક, માર્કસ સ્ટોઈનીસ, ડેવિડ વોર્નર, એડમ ઝમ્પા.
