શુભ કામ કરતા પહેલા કેમ ખાવામાં આવે છે દહીં ખાંડ, શું આ ખરેખર હોય છે શુભ?

ઘણી વખત તમારી માતા કે દાદીએ તમને દહીં અને ખાંડ ખવડાવી હશે, એવું કહીને કે દહીં-ખાંડ ખાધા પછી ઘરની બહાર નીકળવું શુભ હોય છે. પરંતુ શું ખરેખર દહીં અને ખાંડ ખાવી શુભ હોય છે? ચાલો જાણીએ શું છે દહીં અને ખાંડ પાછળનું લોજિક.

પંચ તત્વોમાંથી એક છે દહીં

વાસ્તવમાં, દહીંને હિન્દુ ધર્મના પાંચ અમૃત તત્વોમાંથી એક માનવામાં આવે છે. તેથી દહીંનું મહત્વ ઘણું વધી જાય છે. દહીંનો ઉપયોગ અનેક ધાર્મિક વિધિઓમાં પણ થાય છે. ભગવાન શિવને દહીંથી અભિષેક કરવામાં આવે છે. તો પંચામૃત બનાવવા માટે પણ દહીં જરૂરી છે.

ચંદ્ર ગ્રહથી મળે છે શુભ ફળ

જ્યોતિષ શાસ્ત્ર અનુસાર, દહીં અને ખાંડ બંનેનો રંગ સફેદ હોય છે. સફેદ રંગનો સંબંધ ચંદ્ર સાથે છે. આવી સ્થિતિમાં દહીં અને ખાંડ એકસાથે ખાવાથી ચંદ્ર ગ્રહથી શુભ ફળ મળે છે.

કામમાં મળે છે સફળતા!

ચંદ્રની મજબૂત સ્થિતિને કારણે કુંડળીનો ભાગ્ય પક્ષ પણ મજબૂત બને છે અને મન શાંત રહે છે. તેનાથી વ્યક્તિને દરેક કામમાં સફળતા મળે છે.

સ્વાસ્થ્ય માટે ફાયદાકારક

સાથે જ દહીં-ખાંડ ખાવી સ્વાસ્થ્ય માટે પણ ફાયદાકારક છે. કારણ કે દહીંમાં ઘણા વિટામિન્સ અને મિનરલ્સ પણ મળી આવે છે, જે શરીરને ઠંડક પ્રદાન કરે છે. ખાંડમાં ગ્લુકોઝ હોય છે, જે શરીરને ઉર્જા પ્રદાન કરે છે.