Devshayani Ekadashi 2024: 16 કે 17 જુલાઈ, ક્યારે છે દેવશયની એકાદશી? જાણો તિથિ, શુભ મુહૂર્ત અને ધાર્મિક મહત્વ

ધાર્મિક માન્યતાઓ અનુસાર, દેવશયની એકાદશીના દિવસથી ભગવાન વિષ્ણુનો શયનકાળ પ્રારંભ થઈ જાય છે. તેથી તેને દેવશયની એકાદશી કહેવાય છે. દેવશયની એકાદશીના ચાર મહિના બાદ ભગવાન વિષ્ણુ દેવઉઠની એકાદશીના દિવસે જાગે છે. તો ચાલો જાણીએ આ વર્ષે દેવશયની એકાદશીનું વ્રત ક્યારે રાખવામાં આવશે અને પૂજા મુહૂર્તથી લઈને પારણનો સમય શું રહેશે. 

વર્ષ 2024 માં દેવશયની એકાદશી ક્યારે છે?

હિન્દુ કેલેન્ડર મુજબ, અષાઢ શુક્લ પક્ષની એકાદશી તિથિનો પ્રારંભ 16 જુલાઈ, 2024ના રોજ રાત્રે 8:33 વાગ્યાથી થશે. એકાદશી તિથિનું સમાપન 17 જુલાઈએ રાત્રે 9:02 કલાકે થશે. 17મી જુલાઈ 2024, બુધવારના રોજ દેવશયની એકાદશી વ્રત રાખવામાં આવશે.

ઉપવાસના પારણાનો સમય શું છે?

એકાદશી વ્રતના પારણા બીજા દિવસે સૂર્યોદય બાદ કરવામાં આવે છે. એકાદશી વ્રતનું પારણ દ્વાદશી તિથિ સમાપ્ત થાય તે પહેલા કરવું જોઈએ. જણાવી દઈએ કે, દેવશયની એકાદશીના પારણા 18 જુલાઈના રોજ કરવામાં આવશે. દેવશયની એકાદશીના પારણાનો સાચો સમય 18 જુલાઈના રોજ સવારે 5:35થી 8:20 વચ્ચેનો રહેશે. 18 જુલાઈના રોજ સવારે 8.44 કલાકે દ્વાદશી તિથિ સમાપ્ત થશે. 

દેવશયની એકાદશીનું મહત્વ

એવું માનવામાં આવે છે કે, દેવશયની એકાદશીના દિવસથી ભગવાન વિષ્ણુ વિશ્રામ માટે ક્ષીર સાગરમાં ચાલ્યા જાય છે અને ચાર મહિના સુધી ત્યાં રહે છે. ભગવાન વિષ્ણુના શયનકાળના આ ચાર મહિના ચાતુર્માસ તરીકે ઓળખાય છે. આ ચાર મહિનામાં શ્રાવણ, ભાદ્રપદ, અશ્વિન અને કારતક માસનો સમાવેશ થાય છે. ચાતુર્માસની શરૂઆત સાથે જ લગ્ન વગેરે તમામ શુભ કાર્યો આગામી ચાર મહિના સુધી વર્જિત થઈ જાય છે. દેવશયની એકાદશીનું વ્રત રાખવાથી અને ભગવાન વિષ્ણુની સાથે માં લક્ષ્મીજીની પૂજા કરવાથી જીવનમાં સુખ-સમૃદ્ધિ બની રહે છે.

નોંધ- અહીં આપવામાં આવેલી જાણકારી ધાર્મિક આસ્થા અને લોક માન્યતાઓ પર આધારિત છે. અમે તેની પુષ્ટિ કરતા નથી.