યુવરાજસિંહ જાડેજા બનાસકાંઠામાં કોંગ્રેસ ધારાસભ્યો સાથે ભોજન લેતા અનેક અટકળો: પકડી રહ્યા છે કોંગ્રેસનો હાથ?

કોંગ્રેસ સાથે યુવરાજસિંહની નજદીકીયાં

૨૦૧૪ નો લોકસભાની ચૂંટણી પહેલા ગુજરાતના રાજકારણમાં નવીન ફેરફારોમાં આમ આદમી પાર્ટીના કાર્યકરો પાર્ટી છોડી ભાજપ અને કોંગ્રેસના જોડાઈ રહ્યા છે. ત્યારે ડમીકાંડ ઉજાગર કરનાર અને તોડકાંડના આરોપમાં લાંબા સમય સુધી જેલમાં રહીને તાજેતરમાં જ બહાર આવેલા વિદ્યાર્થી નેતા યુવરાજસિંહે હાલમાં જ રાજકારણમાં સક્રિય થવાની વાતો કરી હતી. આ વચ્ચે તેઓ યુવરાજસિંહ જાડેજાના કોંગ્રેસના ધારાસભ્ય અને પૂર્વ ધારાસભ્ય સાથેની મુલાકાત અને ભોજન લેતી તસવીરો હાલમાં સામે આવી રહી છે. ત્યારે શું વિદ્યાર્થી નેતા યુવરાજસિંહ કોંગ્રેસમાં જોડાઈ રહ્યા છે તેવી અટકળો લાગી રહી છે.

નમસ્કાર પૃથ્વીવાસીઓ! ટુંક જ સમયમાં અમે ચંદ્રનું મોટું રહસ્ય ખોલીશું, ISRO ને મળ્યો મેસેજ

કોંગ્રેસમાં રાજકીય સુરક્ષાનો સ્વાર્થ?

બનાસકાંઠાના થરાદમાં રવિવારના રોજ ‘યુવા સંવાદ’ કાર્યક્રમનું આયોજન કરાયું હતું. જેમાં યુવરાજસિંહ પહોંચ્યા હતા. આ કાર્યક્રમ બાદ તેમની કોંગ્રેસના નેતાઓ સાથે મુલાકાત થઈ હતી. ત્યાર બાદ કોંગ્રેસના વાવના ધારાસભ્ય ગેનીબેન ઠાકોર અને પૂર્વ ધારાસભ્ય ગુલાબસિંહને મળ્યા હતા. જે બાદ યુવરાજસિંહે સાથે ભોજન પણ લીધુ હતું અને બેસીને કેટલીક વાતચીતો પણ કરી હતી. જેની તસવીરો હાલ સોશિયલ મીડિયામાં સામે આવી રહી છે. આ અંગે યુવરાજસિંહે હજુ કોઈ નિવેદન આપ્યું નથી, જોકે કોંગ્રેસના થરાદ પૂર્વ વિધાયક ગુલાબસિંહ રાજપૂતે ટ્વીટ અને પોતાના ફેસબુક પેજ પર પોસ્ટ કરી હતી અને સરકારી ભરતી પરીક્ષામાં ગેરરીતિ મામલે યુવરાજસિંહ જાડેજાના સપોર્ટમાં હોવાનું જણાવ્યું હતું. આમ કોંગ્રેસ ધારાસભ્યોનો અચાનક યુવરાજ સિંહ સાથે ઉભરાયેલો નવીન મૈત્રીભાવ સ્પષ્ટ કરે છે કે યુવરાજસિંહ સાવ તૂટી ગયેલી આમ આદમી પાર્ટીમાંથી રાજકીય સુરક્ષા કાજે નવું સ્ટેન્ડ બનાવી શકે તેવા આશયથી કોંગ્રેસ તરફ સરકી રહ્યા છે.

શ્રી @YAJadeja સ્પર્ધાત્મક પરીક્ષાઓ માં વ્યાપેલ સડાને દુર કરવા પ્રયત્નશીલ યુવાન. તેઓ આજરોજ અમારા થરાદ ખાતે મહેમાન બન્યા.યુવાનોના પ્રશ્નોને ને ઉકેલ સુધી પહોચાડવા એ મારી વિદ્યાર્થી કાળથી પ્રાથમિકતા રહી છે એટલે ભાઈશ્રી યુવરાજસિંહની સરકારને થતી દરેક રજૂઆત યુવાનોના હિતમાં રહી..
સરકાર… pic.twitter.com/6ZYKzQANOZ

— Gulabsinh Rajput (@GulabsinhRajput) August 27, 2023

(ધનેશ પરમાર, બનાસકાંઠા)