Nitin Patelને યુવરાજસિંહ જાડેજાનો સણસણતો જવાબ, હું તો માફી માંગી લઇશ તેઓ જનતાની માફી માંગશે?

2 વર્ષ પહેલાં 1777 લોકોને રોજગારી આપી અને એક વર્ષ પહેલાં 1238 રોજગારી આપવામાં આવી એવા વિધાનસભામાં એમના દ્વારા જ આપવામાં આવેલ સ્ટેટમેન્ટ છે. જો તમારા આક્ષેપો એટલા જ સાચા હોય તો આપણે ઓપન ફોરમમાં એક ડિબેટનું આયોજન કરીએ એમાં તમારી પાસે જે સત્ય હોય, તથ્ય હોય, આંકડા હોય એ તમે લઈને આવો અને એમાં અમારી પાસે જે સત્ય, તથ્ય અને આંકડા હશે એ અમે લઈને આવીશું. મૂળ મુદ્દો એ છે કે ભાજપ વાળા રોજગારી આપવામાં જ્યારે નિષ્ફળ થયા ત્યારે આમ આદમી પાર્ટી વિરુદ્ધ આવા નિવેદનો કરે છે.

નીતિનકાકા મુખ્યમંત્રી બનવા સક્ષમ હતા
નીતિન કાકા તો મારા વડીલ છે. મુખ્યમંત્રી બનવા માટે લાયક અને સક્ષમ હતા. એમની પાર્ટી એ જ એમની સાથે અન્યાય કર્યો છે. તેમણે કહ્યું છે કે યુવરાજસિંહએ માફી માંગવી જોઈએ, મારે તેમણે કહેવું છે કે તેઓ મારા વડીલ છે, હું પણ એમને પ્રેમ થી કાકા કહું છું. હું તો નાનું બાળક છું એમની સામે અને હું માફી માંગવા તૈયાર છું. પણ શું તેઓ જનતાની માફી માંગશે? ભારતીય જનતા પાર્ટીએ યુવાનોના ભવિષ્ય સાથે જે ચેડાં કર્યા શું એની માફી માંગશો? આટલા આટલા એમના મળતીયાઓએ પેપર ફોડ્યા શું એની માફી માંગશો? યુવાનોના સપના રોડાયા શું એની માફી માંગશો? રોજગાર આપવાની જગ્યાએ રોજગાર છીનવી લીધો શું એની માફી માંગશો? ભ્રષ્ટાચાર કરી રહેલા પોતાના નેતાઓ માટે માફી માંગશો? તો હું પણ કાકાની માફી માંગી લઈશ.

ડિબેટ કરવા ફેક્યો પડકાર
આપના નેતા યુવરાજસિંહ જાડેજાએ ડિબેટ માટે પડકાર ફેંકતા કહ્યું કે. જો ખરેખર યુવાનોને રોજગારી આપી હોય તો આપણે સાચ્ચે ઓપન ફોરમ પર ડિબેટ કરીએ તમે તમારી વાત રાખો અને અમે અમારા તથ્યો અને સત્ય જનતા સામે રાખીએ. એટલે પ્રજા નક્કી કરે કે કોણ ભરમાવે છે? કોણ ભટકાવે છે? કોણ ગુમરાહ કરે છે? કોણ અટકાવે છે? અને કોણ લટકાવે છે.