ભાજપની જીતમાં યુવા વર્ગના યોગદાન પર તેજસ્વી સૂર્યાનું મોટુ નિવેદન, ચૂંટણીમાં યુવા વર્ગ રહેશે ગેમ ચેન્જર

તેજસ્વી સૂર્યાએ યુવાનોનું યોગદાન જણાવ્યું
ગુજરાતમાં વિધાનસભા ચૂંટણીની આ ટર્મમાં યુવાનોનું યોગદાન મહત્ત્વપૂર્ણ રહેશે. તેવામાં ભાજપના યુવા નેતા તેજસ્વી પ્રકાશે કહ્યું કે ભાજપે અત્યારસુધી છેલ્લા 6 ચૂંટણીમાં જ્યાં જીત મેળવી છે એમાં સૌથી મોટુ યોગદાન યુવાનોનું છે. યુવાનો અને મહિલા મતદાતાઓના કારણે જ ભાજપ જીતમાં પોતાનું મહત્ત્વપૂર્ણ યોગદાન આપી રહ્યું છે.

આ વખતે 4.6 લાખથી વધુ યુવા મતદારો પહેલીવાર વોટ આપશે
નોંધનીય છે કે, આ વખતે રાજ્યમાં 18 થી 19 વય જૂથમાં 4.61 લાખથી વધુ યુવા મતદારોએ નોંધણી કરાવી હોવાનું સામે આવ્યું હતું. આ યુવા મતદારો પૈકી 2.68 લાખથી વધુ યુવા પુરૂષ અને 1.93 લાખથી વધુ યુવા મહિલા મતદારોનો સમાવેશ થાય છે. તેવી જ રીતે 20 થી 29 વર્ષના વય જુથમાં કુલ 4.03 લાખથી વધુ નવા મતદારો નોંધાયા છે. જેમાં પુરૂષ મતદારો 1.45 લાખથી વધુ અને 2.57 લાખથી વધુ મહિલા મતદારોનો સમાવેશ થાય છે.