સોમા પટેલની સત્તા લાલસા, ક્યાંથી અને કઈ પાર્ટીમાંથી લડશે એ ખબર નથી પરંતુ ચૂંટણી લડશે

રાજ્યમાં કોઈ પણ ચૂંટણી આવે એટલે જાણે પક્ષ પલટાની સિઝન શરૂ થઈ જતી હોય છે. રાજકીય આગેવાનોનો ભરતી મેળો શરૂ થઈ જાય છે. આવી જ સિઝન 2020માં ગુજરાતની રાજ્યસભાની ચૂંટણી સમયે આવી હતી. જેમાં અબડાસા, મોરબી, ધારી, ગઢડા, કરજણ, ડાંગ, કપરાડા અને લીમડીના ધારાસભ્યોએ કોંગ્રેસનો હાથ છોડ્યો હતો. આ સમયે લીમડીના ધારાસભ્ય સોમા પટેલની હાલત કફોડી બની હતી. સોમ પટેલને ભાજપે રિપીટ કર્યા ન હતા.

ચૂંટણી લડશેએ નક્કી 
સોમા પટેલ સાથે ગુજરાત તકે ચૂંટણી લડવા અંગે વાત કરી હતી તેમાં સોમ પટેલે કહ્યું કે હું ગુજરાતમાંથી ચૂંટણી લાડવાનો છું. ક્યાંથી ચૂંટણી લડુએ મને પણ ખબર નથી અને કઈ પાર્ટીમાંથી ચૂંટણી લડીશ એ પણ ખબર નથી. હું લડવાનો છું. 11 ચૂંટણી લડ્યો છું અને હવે છેલ્લે છેલ્લે 12 મી ચૂંટણી લડવાનો છું. હું ભાજપમાંથી પણ જીત્યો છું અને કોંગ્રેસમાંથી પણ ચૂંટણી જીત્યો છું.

સોમા પટેલ માટે આ રસ્તા છે ખુલ્લા
ગુજરાતમાં આ ચૂંટણી ખૂબ જ રસપ્રદ રહેશે. ગુજરાતમાં ભાજપ અને કોંગ્રેસ સિવાય આમ આદમી પાર્ટી, એનસીપી, એઆઈએમાઈએમ અને પૂર્વ મુખ્યમંત્રીની પ્રજા ડેમોક્રેટિક પાર્ટી ચૂંટણીના મેદાને છે ત્યારે સોમા પટેલ માટે કોંગ્રેસમાં ઘર વાપસી સહિત તમામ રસ્તાઓ ખુલ્લા છે આ ઉપરાંત ભાજપ સોમા પટેલને ટિકિટ નહીં આપે. ભાજપ ઓબીસી સમાજનું સતત વર્ચસ્વ ઘટાડવાના પ્રયત્નો કરી રહ્યું છે. સોમ પટેલ માટે અપક્ષ ચૂંટણી લડવાનો રસ્તો પણ ખુલ્લો છે.

ભાજપ કોળી સમાજનું વર્ચસ્વ ઘટાડે છે
ભાજપનું રાજકીય સમીકરણ સૌથી અલગ જ રહ્યું છે. ગુજરાતમાં જો જ્ઞાતિની વાત કરવામાં આવે તો 2017માં 48 ટકા ઓબીસી સમાજના મત હતા, 14.75 ટકા આદિવાસી સમાજના મત હતા અને 11 ટકા પાટીદાર સમાજના મત હતા. આમ ગુજરાતમાં સૌથી વધુ છે તેવા સમાજના નેતાને ભાજપ કાપી રહ્યું છે. ભાજપ ઓબીસી સમાજનું વર્ચસ્વ સતત ઘટાડી રહ્યું છે. ભાજપના હીરા સોલંકી, પરસોતમ સોલંકીનું કદ ઘટાડવામાં આવ્યું ત્યાર બાદ કોંગ્રેસમાંથી ભાજપમાં ભળેલ કુંવરજી બાવળિયાને પણ કદ પ્રમાણે વેતરીનાખવાંમાં આવ્યા અને સોમ પટેલને પણ 2020ની પેટા ચૂંટણીમાં ટીકીટ આપવામાં આવી ન હતી.