Narmada Dam News: માનવ સર્જીત કે કુદરતીઃ નર્મદાના આ અધિકારીએ કહ્યું, ‘ડેમમાંથી પાણી છોડવું અને ભારે વરસાદ પડવો બંને કુદરતી સંયોગ’

Ambaji Bhadarvi Poonam Update: પગપાળા ભક્તો સાથે અમદાવાદથી અંબાજી પહોંચી 52 ગજની ધજા, કરો દર્શન

શું કહ્યું પી સી વ્યાસે આવો જાણીએ

ગુજરાતની જીવા દોરી સમાન સરદાર સરોવર ડેમ કોઈકના કોઈક રીતે રાજકીય ચર્ચામાં આવતો હોય છે. તાજેતરમાં જ પડેલા વ્યાપક વરસાદથી સરદાર સરોવર ડેમમાંથી પાણી છોડવામાં આવ્યું હતું જે માનવસર્જિત ભૂલ હોવાના આક્ષેપો વિપક્ષ કોંગ્રેસ દ્વારા કરવામાં આવી રહ્યા છે એટલું જ નહીં ટેકનિકલ રીતે પણ કામગીરી યોગ્ય નહીં કરવાના આક્ષેપો થઈ રહ્યા છે ત્યારે આ બાબતની સ્પષ્ટતા કરવા અને એન્જિનિયર કે વહીવટી તંત્રનો કોઇ વાંક નહીં હોવાના ખુલાસા નર્મદા નિગમને આપવાની ફરજ પડી હતી. આજે આ બાબતે કમાન્ડ એરિયા ડેવલોપમેન્ટ નર્મદાના પીસી વ્યાસે ચાલી રહેલા વિવાદ અંગે સ્પષ્ટતા કરતા કહ્યું હતું કે, 14 સપ્ટેમ્બર સુધી નર્મદા ડેમ ભરાયો ન હતો. એટલું જ નહીં વહીવટી તંત્ર અને ડેમના એન્જિનિયરોની નિષ્ઠા ઉપર શંકા કુશંકા કરવી જોઈએ નહીં પરંતુ 16 અને 17 સપ્ટેમ્બરે અતિ ભારે વરસાદ પડવો અને નર્મદા ડેમમાંથી પાણી છોડવું આ બંને કુદરતી સંયોગ હોવાનો દાવો કર્યો હતો.