Mizoram Election Result Updates: મિઝોરમ સત્તા પરિવર્તન, ZPMને ટ્રેન્ડ્સમાં મળી બહુમતી, કોંગ્રેસ ત્રીજા નંબરે

તમને જણાવી દઈએ કે મિઝોરમમાં સીએમ જોરામથાંગાની MNF સત્તામાં છે, પરંતુ તાજેતરના એક્ઝિટ પોલના ડેટા અનુસાર, MNFને મોટું નુકસાન થઈ શકે છે. અહીં સત્તા વિરોધી લહેર છે. જ્યારે, લાલદુહોમાની ZPMની આગેવાનીવાળી પાર્ટીની તરફેણમાં જોરદાર લહેર છે. મિઝોરમમાં આગામી સીએમ કોણ હશે? આ સવાલના જવાબમાં 40 ટકા લોકોની પસંદગી લાલદુહોમા છે.

તે જ સમયે, માત્ર 17 ટકા લોકોએ વર્તમાન મુખ્યમંત્રીને આગામી મુખ્યમંત્રી તરીકે પસંદ કર્યા છે. બીજી તરફ, કોંગ્રેસ MNFની સત્તા વિરોધી લહેરનો ફાયદો ઉઠાવવા માટે વધુ કરી શકી નથી. ભાજપે કુલ 40માંથી માત્ર 23 બેઠકો પર ઉમેદવારો ઉભા રાખ્યા છે અને તેની સ્થિતિ સારી છે.

ZPM ને ​શરૂઆતના ટ્રેન્ડમાં બહુમતી મળી

મિઝોરમના વલણોમાં, જોરમ પીપલ્સ મૂવમેન્ટ બહુમતીના આંકને સ્પર્શી ગયું છે અને શાસક મિઝો નેશનલ ફ્રન્ટ કરતાં ઘણું આગળ નીકળી ગયું છે. જ્યારે કોંગ્રેસ ત્રીજા સ્થાને પાછળ રહી ગઈ છે. બીજેપીનું ખાતું હજુ ખૂલ્યું નથી. અત્યાર સુધીમાં, 40 માંથી 34 બેઠકો માટે વલણો આવ્યા છે, જેમાંથી ZPM 21 બેઠકો પર, MNF 8 પર અને કોંગ્રેસ 5 બેઠકો પર આગળ છે.

ZPM આગળ , MNF બીજા સ્થાને છે

મિઝોરમમાં અત્યાર સુધીમાં 40માંથી 30 સીટો માટે ટ્રેન્ડ જાહેર કરવામાં આવ્યો છે. તેમાંથી જોરમ પીપલ્સ મૂવમેન્ટ 17 સીટો પર અને મિઝો નેશનલ ફ્રન્ટ 8 સીટો પર આગળ છે. કોંગ્રેસ 5 બેઠકો પર લીડ ધરાવે છે, જ્યારે ભાજપે હજુ ખાતું ખોલ્યું નથી.

મિઝોરમમાં MNF 9 અને ZPM 7 સીટો પર આગળ

મિઝોરમમાં 40માંથી 20 સીટો માટે ટ્રેન્ડ જાહેર થયો છે. મિઝો નેશનલ ફ્રન્ટ 9 સીટો પર આગળ છે, ZPM 7 સીટો પર આગળ છે. કોંગ્રેસને પણ 4 સીટો પર લીડ મળી છે. ભાજપે હજુ ખાતું ખોલાવ્યું નથી.

#WATCH | Counting for #MizoramElections2023 to take place today. Visuals from a counting centre in Aizawl as boxes containing ballot papers being brought here. pic.twitter.com/H8to3KfcIY

— ANI (@ANI) December 4, 2023

મિઝોરમ વિધાનસભા ચૂંટણી 2023 માટે મત ગણતરી ચાલી રહી છે. પ્રથમ પોસ્ટલ બેલેટના મતોની ગણતરી કરવામાં આવી રહી છે. અત્યાર સુધીના વલણો મુજબ, મિઝો નેશનલ ફ્રન્ટ 7 બેઠકો પર અને જોરમ પીપલ્સ મૂવમેન્ટ 5 બેઠકો પર આગળ છે. કોંગ્રેસ 2 સીટો પર આગળ છે. ભાજપનું ખાતું ખોલવાનું બાકી છે.