Gujarat Politics: નાફેડની ચૂંટણીમાં ભાજપ સાથે ઈફ્કોવાળી થતા રહી ગઈ, છેલ્લી ઘડીએ મોહન કુંડારીયા બિનહરીફ

NAFED Election: તાજેતરમાં જ દેશની સૌથી મોટી સહકારી સંસ્થા ઈફ્કોની ચૂંટણીમાં ભાજપના મેન્ડેટવાળા ઉમેદવારને હરાવીને ભાજપના જ જયેશ રાદડિયા વિજેતા બન્યા હતા. ભાજપના જ મેન્ડેટવાળા ઉમેદવારની હારના પ્રત્યાઘાતો હજુ શાંત થયા નથી ત્યાં વધુ એક સહકારી સંસ્થાની ચૂંટણીમાં ભાજપ સામે જ ભાજપના ઉમેદવારોના આવવાની ઘટના બનતા બનતા રહી ગઈ. નાફેડની ચૂંટણીમાં છેલ્લી ઘડીએ ભાજપના 4 ઉમેદવારોએ ફોર્મ પાછા ખેંચી લેતા સર્વ સંમતિથી મોહન કુંડારિયા બિનહરિફ ચૂંટાયા હતા.