Gujarat News: ‘2024 માં અમારો રસ્તો કયો હશે તે વિચાર સાથે આગળ વધીશું’- અમદાવાદ આવ્યા મુકુલ વાસનિક

ગુજરાતની આગામી ચૂંટણીને લઈ બોલ્યા મુકુલ વાસનિક

મુકુલ વાસનિકે કહ્યું કે, દરેક ચૂંટણી એક નવી ચૂંટણી હોય છે, નવી પરિસ્થિતિ લાવે છે. નવા લોકોની ઉમંગો હોય છે, નવી દિશાઓ નક્કી થતી હોય છે. ગઈકાલે શું થયું તે અંગે કાંઈ વિચારીને પરેશાન થવાની જરૂરત નથી. આગળ શું થશે, 2024માં શું થશે, તેના માટે અમારે શું કરવું પડશે, અમારી જવાબદારીઓ શું હશે, તમામ અમારા કાર્યકરોને કેવી રીતે આગળ વધવું પડશે. તે તમામ બાબતો પર વિચાર કરીને આગળ વધીશું.

રખતાા ઢોરે વધુ એક ભોગ લીધોઃ જામનગરના તંત્રની ઘોર નિંદ્રામાં માનવ જીંદગી હોમાઈ

જંગી રેલી સાથે સ્વાગત

ગુજરાત પ્રદેશ કોંગ્રેસના નવનિયુક્ત પ્રભારી મુકુલ વાસનિક ગુજરાતમાં પ્રભારી પદ પર નિયુક્તિ પછી પહેલી વખત આવ્યા છે. જેને લઈને આજે તેઓ અમદાવાદ એરપોર્ટ પર આવ્યા ત્યારે મોટી સંખ્યામાં કાર્યકરો ત્યાં પહોંચી ગયા હતા. હાલમાં જ ગુજરાત કોંગ્રેસ પ્રમુખ તરીકે પદભાર સંભળાનારા શક્તિસિંહ ગોહિલ સહિતના કોંગ્રેસના વરિષ્ઠ નેતાઓ તેમના સ્વાગત માટે એરપોર્ટ પહોંચ્યા હતા. તેમણે મોટી બાઈક રેલી સાથે નવા પ્રભારીનું સ્વાગત કર્યું હતું. ઉલ્લેખનીય છે કે ગુજરાત વિધાનસભાની ચૂંટણીમાં કોંગ્રેસને પડેલા મોટા ફટકા પછી કોંગ્રસના તે સમયના પ્રભારી રઘુ શર્માએ રાજીનામુ આપ્યું હતું. જે પછી આ પદ ખાલી હતું અને લાંબા સમયથી અહીં વિવિધ નામોની અટકળો ચાલી રહી હતી. દરમિયાનમાં મુકુલ વાસનિક પર કોંગ્રેસ હાઈકમાન્ડે ગુજરાત પ્રદેશ પ્રભારી તરીકે પસંદગીનો કળશ ઢોળ્યો છે.