Gandhinagar News: ગુજરાત સરકારે 8000 કરોડ વધુ આપીને Adani પાસેથી વીજળી ખરીદી, કોંગ્રેસનો આરોપ

સરકારે મોંઘા ભાવે વીજળી ખરીદવાનો કર્યો સ્વીકાર

ધારાસભ્ય તુષાર ચૌધરી દ્વારા પૂછવામાં આવેલા એક સવાલનો જવાબ આપતા ઉર્જા મંત્રીએ ગૃહમાં અદાણી પાસેથી વધુ કિંમતે વીજળી ખરીદવાનો સ્વીકાર કર્યો હતો. જે બાદ કોંગ્રેસના ધારાસભ્યોએ સૂત્રોચ્ચાર સાથે ગૃહમાં હોબાળો મચાવીને વોકઆઉટ કર્યું હતું.

સરકારે અદાણીને 8000 કરોડ વધુ આપ્યા

કોંગ્રેસ નેતા અમિત ચાવડાએ કહ્યું કે, અદાણી સાથે સરકારે રૂ. 2.89 અને 2.35 પ્રતિ યુનિટ વીજળી ખરીદવાના કરાર કર્યા છે. વર્ષ 2022માં સરેરાશ યુનિટ દીઠ રૂ.7185 ચૂકવીને 610 મિલિયન યુનિટ વીજળી ખરીદી છે. 2023માં સરેરાશ યુનિટ દીઠ રૂ.5.33 રૂપિયા ચૂકવી 7425 મિલિયન યુનિટ વીજળી ખરીદી છે. સરકારે વીજળી ખરીદવામાં 2022માં અદાણીને 4315 કરોડ વધુ ચુકવ્યા છે. વર્ષ 2023માં 3950 કરોડ વધુ ચુકવ્યા છે. આમ સરકારે બે વર્ષમાં અદાણીને 8262 કરોડ રૂપિયા વધુ ચુકવ્યા છે.

મોદી – અદાણી ભાઈ ભાઈ,
વીજ ખરીદીમાં ખાઈ મલાઈ.

ડબલ એન્જિન સરકારમાં ડબલ ફાયદો.
પ્રજાના ટેક્સના પૈસા રૂ. ૮૨૦૦ કરોડ વધારે અદાણીને સરકાર દ્વારા ફાળવવા મુદ્દે વિધાનસભા કોંગ્રેસ પક્ષના નેતા શ્રી @AmitChavdaINC દ્વારા સાથી ધારાસભ્યો શ્રીઓ સાથે વિધાનસભા પરિસર માં વિરોધ. pic.twitter.com/F0n0uxx3lk

— Gujarat Congress (@INCGujarat) February 6, 2024

તેમણે કહ્યું કે, કોઈને એક રૂપિયા આપવાનો હોય ત્યારે સરકાર ધક્કા ખવડાવે છે, પરંતુ અદાણી પાવરમાં ખેરાત કરતા હોય એમ વર્તન કરે છે. ડબલ એન્જિનની સરકારમાં અદાણીને ડબલ ભાવ આપવામાં આવે છે. 25 વર્ષનો કરાર છે, હજુ 8 વર્ષ બાકી છે ત્યારે કરારની સમીક્ષા કરવી જોઈએ.