ગુજરાત કોંગ્રેસના નેતા જોડાયા ભારત જોડો યાત્રામાં, ટ્વિટ કરી શેર કર્યો અનુભવ

ગુજરાત વિધાનસભાની ચૂંટણી નજીક આવી રહી તેમ તેમ ગુજરાતનો રાજકીય માહોલ તૈયાર તહાઈ ચૂક્યો છે. બીજી તરફ ગુજરાતમાં કોંગ્રેસ વિવિધ કાર્યક્રમો યોજી જનતા સુધી જવાનો પ્રયાસ કરી રહ્યા છે અને 27 વર્ષ બાદ સત્તામાં આવવાના પ્રયાસો કરી રહ્યા છે. બીજી તરફ ગુજરાત કોંગ્રેસના નેતા અને દસાડા બેઠકના ધારાસભ્ય નૌસાદ સોલંકી આ ભારત જોડો યાત્રાનો હિસ્સો બનવા કેરળ પહોંચી ગયા છે. આ યાત્રા કેરળના ચુંગાથરા ખાતે માર્થોમા કોલેજ જંકશનથી ફરી શરૂ થઈ હતી. લગભગ 8.6 કિમીનું અંતર કાપ્યા બાદ વાઝીકાદવુ ખાતે CKHS મનીમૂલી ખાતે આ યાત્રામાં સામેલ લોકોએ વિરામ લીધો. જ્યાથી નૌસાદ સોલંકી એક વિડીયો જાહેર કરી તે આ યાત્રાને લઇને શું અનુભવ કરી રહ્યા છે તે વિશે જણાવ્યું હતું.

ટ્વિટ કરી શેર કર્યો અનુભવ
જ્યારે દેશને એક કરવાની વાત આવે છે ત્યારે આપણે ખભે ખભેથી ખભા મિલાવીને ઊભા રહીશું. આપણે આઝાદીની લડાઈ જોઈ નથી, પણ આજે ભારત જોડો યાત્રામાં જોડાઈને આપણે એ ક્ષણ ચોક્કસ અનુભવી જે ખૂબ જ સુખદ હતી. આજે કેરળના ચુંગાથરાથી મનીમૂલી સુધીની યાત્રામાં ભાગ લીધો.

देश को जब जब जोड़ने की बात होगी, हम कदम से कदम मिला कर,कंधे से कंधा मिलाकर साथ खड़े मिलेंगे।आज़ादी की लड़ाई तो हमने नहीं देखी पर आज भारत जोड़ो यात्रा मे शामिल होकर उस पल को महसूस ज़रूर किया जो बहुत हीं सुखद था। आज यात्रा केरल के चुंगाथरा से मनीमूली में हिस्स लिया।@RaghusharmaINC pic.twitter.com/L73ifZ4ZpY

— Naushad Solanki, MLA (@naushad_solanki) September 29, 2022

ભારત જોડો યાત્રાનો 19 મો દિવસ
ઉલ્લેખનીય છે કે, કોંગ્રેસની ભારત જોડો યાત્રાનો 19મો દિવસ ગુરુવારનો દિવસ કેરળથી શરૂ થયો હતો. કોંગ્રેસના નેતા રાહુલ ગાંધીની સાથે કાર્યકરો અને નેતાઓ તેમની સાથે કૂચ કરી રહ્યા છે.