પંજાબમાં AAP એ OPSનું ગોઠવ્યું સોગઠુ, ગુજરાત સરકાર નિશાના પર

ગુજરાતમાં વિવિધ આંદોલનોએ સરકારની ભિસમાં લેવાનો પૂરતો પ્રયાસ કર્યો છે. ગુજરાતના આંદોલનોને ધ્યાનમાં રાખીને પંજાબ સરકારે મહત્વનો નિર્ણય લીધો છે. પંજાબ સરકારે રાજ્યમાં જૂની પેન્શન યોજના લાગુ કરવા નિર્ણય કરી રહી છે. આ અંગે પંજાબના મુખ્યમંત્રી ભગવંત માને ટ્વિટ કરી આ અંગે જણાવ્યું છે.

મારી સરકાર જૂની પેન્શન સિસ્ટમ (OPS) પર પાછા ફરવાનું વિચારી રહી છે. મેં મારા મુખ્ય સચિવને તેના અમલીકરણની શક્યતા અને પદ્ધતિઓનો અભ્યાસ કરવા કહ્યું છે. અમે અમારા કર્મચારીઓના હિત માટે પ્રતિબદ્ધ છીએ.

My government is considering reverting to the Old Pension System (OPS). I have asked my Chief Secretary to study the feasibility and modalities of it’s implementation. We stand committed to the welfare of our employees.

— Bhagwant Mann (@BhagwantMann) September 19, 2022

ગુજરાતમાં જૂની પેન્શનને લઈને સરકાર સામે આંદોલન છેડ્યું છે ત્યારે આજે પંજાબ સરકારે નગારે ઘા માર્યો છે. પંજાબમાં જૂની પેન્શન યોજના લાગુ કરવા અંગે વિચારણા ચાલી રહી છે. આ મામલે આમ આદમી પાર્ટીના સંયોજક કેજરીવાલે પણ ટ્વિટ કર્યું છે અને આ સાથે ગુજરાત પ્રદેશ અધ્યક્ષ ગોપાલ ઇટલીયાએ ટ્વિટ કર્યું છે.

અરવિંદ કેજરીવાલે ટ્વિટ કરતાં કહ્યું કે, વાહ! એક મહાન નિર્ણય. ભારતભરના તમામ સરકારી કર્મચારીઓ જુની પેન્શન યોજના પુનઃસ્થાપિત કરવા માંગે છે.

Wow! A great decision. All govt employees across India want Old pension scheme to be restored. https://t.co/rOll0SY5CU

— Arvind Kejriwal (@ArvindKejriwal) September 19, 2022

ગોપાલ ઇટલીયાએ પોતાના ટ્વિટમાં કહ્યું છે કે, આમ આદમી પાર્ટી પંજાબ સરકારના મુખ્યમંત્રી ભગવંત માન સાહેબે પંજાબમાં જૂની પેન્શન યોજના લાગુ કરવાનો નિર્ણય કર્યો.

કર્મચારીઓ માટે ખુશખબર પંજાબમાં હવે OPS લાગુ કરવામાં આવશે. જય હિન્દ.

આમ આદમી પાર્ટી પંજાબ સરકારના મુખ્યમંત્રી શ્રી ભગવંત માન સાહેબે પંજાબમાં જૂની પેન્શન યોજના લાગુ કરવાનો નિર્ણય કર્યો.

કર્મચારીઓ માટે ખુશખબર પંજાબમાં હવે OPS લાગુ કરવામાં આવશે. જય હિન્દ. https://t.co/u25ulPRa0B

— Gopal Italia (@Gopal_Italia) September 19, 2022

આગામી સમયમાં આમ આદમી પાર્ટી આ મામલે સરકારને ઘેરવાનો પૂરતો પ્રયાસ કરશે. આવતી કાલે દિલ્હીના મુખ્યમંત્રી અરવિંદ કેજરીવાલ ગુજરાતના પ્રવાસે આવી રહ્યા છે ત્યારે તેમની સભામાં આ મુદ્દો ચર્ચામાં રહેશે.