BJP એ ખેલ્યો મોટો દાવ, ડાંગના આદિવાસી રાજાને મનાવવામાં પ્રભારી મંત્રી નરેશ પટેલ સફળ

રોનક જાની, ડાંગ: ગુજરાતની ચૂંટણી નજીક આવી રહી છે તેમ તેમ રાજકીય રિસામણા મનામણાં શરૂ થઈ ચૂક્યા છે. ભાજપે આદિવાસી સમાજના રાજાને માનાવવા ભાજપ સફળ રહ્યું છે. મનામણાં ડાંગ જિલ્લાના રાજકારણમાં ભાજપ ફરી મજબૂત સ્થિતિમાં આવ્યું, આદિવાસી જિલ્લા એવા ડાંગના મોભી ગણાતા એવા ડાંગના પાંચ રાજાઓ પૈકી ના સૌથી વરિષ્ઠ વાસુરણા સ્ટેટના ના ‘રાજા’ ધરાજસિંહ સૂર્યવંશી ભાજપથી નારાજ ચાલતા હતા. પાર્ટીમાં યોગ્ય સન્માન ન મળતું હોવાના કારણે તેઓએ અગાઉ ભાજપમાંથી નિષ્ક્રિય રહેવાનું કહેતા રાજકીય સન્યાસ લેવાની જાહેરાત કરી હતી. જોકે પોતાના નારાજ કાર્યકરોને મનાવવામાં ભાજપ ક્યારેય પાછળ રહ્યું નથી ત્યારે ફરી એકવાર ડાંગ જિલ્લા પ્રભારી એવા મંત્રી નરેશ પટેલે નારાજ રાજાને મનાવી લીધા છે ને તેમને ભાજપનો ખેશ પહેરાવી વિધિવત ભાજપમાં સન્માન સાથે સ્થાન આપવામાં આવ્યું છે. વાસુરણા સ્ટેટના રાજાને માનવી ભાજપે રાજકીય સમીકરણ ફેરવ્યું છે.