જન્મદિવસ પર સૌથી મોટી ભેટ, Bhajan Lal Sharma 15 ડિસેમ્બરે રાજસ્થાનના CM પદના શપથ

રાજસ્થાનમાં ભાજપે તમામ અટકળોને અવગણી

રાજસ્થાનમાં ભાજપે તમામ અટકળોને અવગણીને એક નવા બ્રાહ્મણ ચહેરા પર વિશ્વાસ વ્યક્ત કર્યો છે. ભાજપે રાજ્યના મુખ્યમંત્રી તરીકે ભજનલાલ શર્માને પસંદ કર્યા સાથે રાજ્યમાં પણ બે ડેપ્યુટી સીએમની પણ જાહેરાત કરવામાં આવી છે. રાજસ્થાનમાં ડેપ્યુટી સીએમ દિયા કુમારી અને બીજા ડેપ્યુટી સીએમ પ્રેમચંદ બૈરવાની પસંદગી કરવામાં આવી છે. આ સિવાય અજમેર ઉત્તરના ધારાસભ્ય વાસુદેવ દેવનાનીને રાજસ્થાન વિધાનસભાના સ્પીકર બનાવવામાં આવ્યા છે. તેઓ 2003 બાદ સતત પાંચમી વખત ધારાસભ્ય બન્યા છે.

ભજન લાલ શર્માને મળશે બર્થ ડે ગિફ્ટ

રાજ્યમાં બની રહેલી આ નવી સરકારનો શપથ ગ્રહણ સમારોહ 15 ડિસેમ્બરે યોજાશે. તમને જણાવી દઈએ કે નવા ચૂંટાયેલા સીએમ ભજન લાલ શર્માનો જન્મદિવસ પણ 15 ડિસેમ્બરે છે. આ પહેલા 13 ડિસેમ્બરે અન્ય બે રાજ્યો છત્તીસગઢ અને મધ્યપ્રદેશમાં સરકારો શપથ લેશે. શપથ ગ્રહણ સમારોહ મધ્યપ્રદેશની રાજધાની ભોપાલમાં 13 ડિસેમ્બરે સવારે 11 વાગ્યે યોજાશે, જ્યારે છત્તીસગઢની રાજધાની રાયપુરમાં પણ 13 ડિસેમ્બરે સાંજે 4 વાગ્યે શપથ ગ્રહણ સમારોહ યોજાશે.

સાંગાનેરના ધારાસભ્ય છે ભજનલાલ શર્મા

તમને જણાવી દઈએ કે સાંગાનેર સીટ ભાજપનો ગઢ છે.આવી સ્થિતિમાં ભજનલાલ શર્માએ જીત નોંધાવી હતી. સંગઠનમાં તેમની મહત્વની ભૂમિકાને ધ્યાનમાં રાખીને તેમને મુખ્યમંત્રી પદની વિશાળ જવાબદારી સોંપવામાં આવી છે.

રાજસ્થાનમાં આજે ધારાસભ્ય દળની બેઠક મળી હતી. આ બેઠક પહેલા ધારાસભ્યો અને નિરીક્ષકોનું ફોટો સેશન પણ થયું હતું. કેન્દ્રએ રાજનાથ સિંહ, વિનોદ તાવડે અને સરોજ પાંડેને રાજસ્થાનના નિરીક્ષક બનાવ્યા છે. ત્રણેય નેતાઓ જયપુર છે. રાજનાથ સિંહે વસુંધરા રાજે સાથે વન ટુ વન મુલાકાત કરી હતી.

બીજી તરફ ભાજપના રાષ્ટ્રીય અધ્યક્ષ જેપી નડ્ડાએ પણ રાજનાથસિંહ સાથે ફોન પર વાત કરી હતી. રાજસ્થાનમાં મુખ્યમંત્રીના ચહેરા માટે ભાજપના નવા ધારાસભ્યો પાસેથી સલાહ લેવાઈ હતી. આ પછી ભાજપ હાઈકમાન્ડની મંજૂરી બાદ આજે સીએમ પદની જાહેરાત કરવામાં આવી છે.