અમિત શાહ એડિટેડ વીડિયો કેસઃ અમદાવાદ સાયબર ક્રાઈમે 2 શખ્સોને ઝડપ્યા, AAP અને કોંગ્રેસ સાથે કનેક્શન

Gujarat Tak

અમિત શાહના એડિટેડ વીડિયો મામલે મોટી કાર્યવાહી

Amit Shah Video News: કેન્દ્રીય ગૃહમંત્રી અમિત શાહના ફેક વીડિયો મામલે તપાસ ટીમો એક્શનમાં આવી છે. અલગ અલગ ટીમો દ્વારા આ મામલે તપાસ કરવામાં આવી રહી છે. ત્યારે હવે આ મામલે એક મોટા સમાચાર સામે આવ્યા છે. સાયબર ક્રાઈમે અમિત શાહના વીડિયોને એડિટ કરીને ખોટી રીતે વાયરલ કરનારા 2 શખ્સોની ધરપકડ કરી છે. પાલનપુર અને લીમખેડાની સભાના અમિત શાહના વીડિયોને એડિટ કરીને ખોટી રીતે વાયરલ કરનાર બે શખ્સોની ધરપકડ કરવામાં આવી છે.

સાયબર ક્રાઈમે 2 આરોપીની કરી ધરપકડ

અમિત શાહની સભાના વીડિયોને બદઈરાદાપૂર્વક એડિટ કરનારા સામે તવાઈ બોલાવવામાં આવી છે. અમિત શાહની પાલનપુર અને લીમખેડાની સભાના વીડિયોને એડિટ કરીને વાયરલ કરનાર 2 શખ્સોની સાયબર ક્રાઈમે ધરપકડ કરી છે. જેમાં એક આરોપીનું નામ સતિશ વણસોલા છે, જે જિગ્નેશ મેવાણીનો PA છે. જ્યારે બીજાનું નામ આર.બી બારેયા છે, જે આમ આદમી પાર્ટીનો કાર્યકર છે.

विपक्ष की हताशा और निराशा इस स्तर पर पहुंच गई है कि उन्होंने मेरा और कुछ भाजपा नेताओं का फेक वीडियो बनाकर सार्वजनिक किया है।

उनके मुख्यमंत्री, प्रदेश अध्यक्ष आदि ने भी इस फेक वीडियो को फॉरवर्ड करने का काम किया है।

सौभाग्य से मैंने जो बोला था, उसकी भी रिकॉर्डिंग हुई थी।

वो… pic.twitter.com/MPbzf8CwiT
— BJP (@BJP4India) April 30, 2024

કોંગ્રેસ પાર્ટી ફેલાવી રહી છે અફવાઃ અમિત શાહ

આપને જણાવી દઈએ કે, આ પહેલા ફેક વીડિયો મામલે અમિત શાહે કહ્યું હતું કે, કોંગ્રેસ પાર્ટી અફવાઓ ફેલાવીને લોકોમાં ભ્રમ ફેલાવવા માંગે છે. ભારતીય જનતા પાર્ટીએ SC, ST અને OBC માટે હંમેશા અનામતનું સમર્થન કર્યું છે અને તેમને અનામતના સંરક્ષણ માટે મહત્વની ભૂમિકા ભજવી છે. આ વાત નરેન્દ્ર મોદી અનેક વાર બોલ્યા છે. SC, ST અને OBCના આરક્ષણને લઈને ડેટા દાખલ કર્યો હોય તો તે કોંગ્રેસ પાર્ટી છે.

हार के डर से बौखलाई कांग्रेस फर्जी वीडियो से देशवासियों को गुमराह कर रही है...

देश में आरक्षण का अधिकार SC, ST और OBC बहनों-भाइयों का है और जब तक भाजपा सरकार है, इसे कोई हाथ नहीं लगा सकता। INDI Alliance वालों ने इनकी हिस्सेदारी कम करके मुस्लिमों को आरक्षण दिया। मैंने बार-बार यही… pic.twitter.com/83ttrocfW8
— Amit Shah (Modi Ka Parivar) (@AmitShah) April 30, 2024

'ન્યાય આપવા માટે કામ કરીશું'

અમિત શાહે વધુમાં કહ્યું હતું કે, કોંગ્રેસે સૌપ્રથમ સંયુક્ત આંધ્ર પ્રદેશમાં મુસ્લિમોને અનામત આપ્યું, તેના કારણે ઓબીસીના અનામતમાં ઘટાડો થયો. ત્યારપછી કર્ણાટકમાં કોઈ સર્વે કર્યા વિના તમામ મુસ્લિમો માટે ચાર ટકા ક્વોટા અનામત કરી દેવામાં આવ્યો, તેના કારણે ઓબીસીના અનામતમાં પણ કાપ મુકવામાં આવ્યો છે. ધર્મના નામે અનામત બંધારણીય નથી, ગેરબંધારણીય છે. જ્યારે પણ અમને આ રાજ્યોમાં સત્તા મળશે ત્યારે અમે ધર્મના આધારે લાદવામાં આવેલી અનામતને ખતમ કરવા અને એસસી, એસટી અને ઓબીસીને ન્યાય આપવા માટે કામ કરીશું.