સીમા હૈદર-સચિન મામલે યોગી આદિત્યનાથે આપી પ્રતિક્રિયા, જાણો શું કહ્યું

સીએમ યોગીને રિવર્સ લવ જેહાદ અંગે પણ સવાલ કરવામાં આવ્યા હતા. રિવર્સ લવ જેહાદની સાથે સાથે સીમા હૈદરની વડાપ્રધાન નરેન્દ્ર મોદી તેમજ સીએમ યોગીને પાકિસ્તાન પરત ન મોકલવાની વિનંતી પર તેમણે કહ્યું કે તેઓ સુરક્ષા એજન્સીઓના રિપોર્ટના આધારે કામ કરશે. સીમા અને સચિનનો મામલો સામે આવ્યા બાદ તપાસ સુરક્ષા એજન્સીને સોંપવામાં આવી હતી.

2019માં શરૂ થઈ લવ સ્ટોરી
નોઈડાના સચિન મીના અને સીમા હૈદરની લવ સ્ટોરી વર્ષ 2019માં શરૂ થઈ હતી. તે સમયે કોરોના ફેલાયો હતો. લોકો ઘરોમાં કેદ હતા. પાકિસ્તાનના કરાચીમાં રહેતી સીમાએ પોતાના મોબાઈલમાં PUBG ગેમ ડાઉનલોડ કરી હતી. સચિન મીના પણ નોઈડામાં આ ગેમ રમતો હતો. યોગાનુયોગ, સીમા અને સચિન બંનેએ એકબીજા સાથે મોબાઇલ પર PUBG રમવાનું શરૂ કર્યું. દરમિયાન બંનેએ નંબર એક્સચેન્જ કર્યા અને વાતચીત શરૂ થઈ. ધીમે-ધીમે બંને પ્રેમમાં પડ્યા અને સાથે રહેવાનું નક્કી કર્યું, પરંતુ બંનેને કદાચ અંદાજ પણ નહીં હોય કે મુલાકાત બાદ તેમની લવસ્ટોરી ભારત અને પાકિસ્તાન બંનેમાં મોટો મુદ્દો બની જશે.