મહિલાઓ એન્કર કે ગેસ્ટ તરીકે હાજર નહી રહી શકે, મીડિયા પર તાલિબાનોનું નવું ફરમાન

તાલિબાનોએ મીડિયાને સ્પષ્ટ નિર્દેશો આપ્યા
બહાર પાડવામાં આવેલા તાલિબાને મીડિયાને સ્પષ્ટ રીતે કહ્યું કે, મહિલાઓ પર વધારે પ્રતિબંધો લાગવાના છે. તે પ્રતિબંધોમાં મહિલાઓ માટે કોઇ કોલ આ શો નહી હોય. તેમણે પુરુષોની સાથે સંયુક્ત ઓફીસ નહી મળે. પુરુષોની સાથે હોસ્ટિંગ નહી કરી શકે. કોઇ લાઇવ રેડિયો પ્રોગ્રામમાં પણ મહિલાઓની એન્ટ્રી પર પ્રતિબંધ લગાવાશે. તાલિબાનના કેટલાક અધિકારીઓ શુક્રવારે કંધાર ગયા હતા. ત્યાં તેમણે મીડિયાને આ ફરમાન અંગે માહિતી આપી હતી.

તાલિબાનોએ પોતાની મહિલા વિરોધી માનસિકતા ફરી છતી કરી
હાલ સમગ્ર વિશ્વ સામે તાલિબાન પોતાની મહિલા વિરોધી વિચારધારાના કારણે આચોચનાનો સામનો કરી રહ્યા છે. હાલમાં જ તેમના દ્વારા યુનિવર્સિટીમાં મહિલાઓના અભ્યાસ પર પણ પ્રતિબંધ લગાવી દેવાયો હતો. તેણે મહિલાઓના પાર્કમાં જવા પર પ્રતિબંધ લગાવી દીધો હતો. હાલ તો આ નિર્ણયોનો ભારે વિરોધ થઇ રહ્યો છે. જી7 દેશોના વિદેશ મંત્રીઓએ તો બહાર પાડેલા એક નિવેદનમાં કહ્યું કે, તાલિબાનોએ પોતાની મહિલા વિરોધી નીતિઓમાં ફેરફાર કરવો પડશે.