કોણ છે કામ્યા જાની? જેના જગન્નાથ મંદિરમાં પ્રવેશ મુદ્દે સર્જાયો વિવાદ, જાણો સમગ્ર મામલો

who is kamiya jani: ફેમસ યુટ્યુબર કામ્યા જાનીના જગન્નાથ મંદિરના વીડિયો પર વિવાદ સર્જાયો છે. આ વિવાદ એટલો વધી ગયો છે કે ભારતીય જનતા પાર્ટી પણ તેમાં સામેલ થઈ ગઈ છે. ભાજપે કામ્યા જાનીની ધરપકડ કરવાની અને તેની સામે કડક કાર્યવાહીની માંગ કરી છે.

શું છે સમગ્ર મામલો?

વાસ્તવમાં એક વીડિયો સોશિયલ મીડિયા પર ઝડપથી વાયરલ થઈ રહ્યો છે, જેમાં કામ્યા જાની, બીજેડી નેતા વી.કે પાંડિયનની સાથે જોવા મળી રહી છે. દાવો કરવામાં આવી રહ્યો છે કે આ વીડિયો જગન્નાથ પુરીના મંદિરમાં શૂટ કરવામાં આવ્યો છે. આમાં કામ્યા જાની અને વીકે પાંડિયન પુરી મંદિર વિશે વાત કરી રહ્યા છે, તથા તેઓ જગ્નનાથજીનો ‘મહાપ્રસાદ’ લઈ રહ્યા છે.

વી.કે પાંડિયન સામે પણ થવી જોઈએ કાર્યવાહી

વીડિયો વાયરલ થયા પછી ભાજપના ઓડિશા યુનિટે વાંધો ઉઠાવતા કહ્યું કે, કામ્યા જાની “બીફ મીટને પ્રમોટ કરવા માટે જાણીતી છે” અને તેને પુરીના પવિત્ર મંદિરમાં પ્રવેશવાની મંજૂરી કેવી રીતે મળી. આમાં કામ્યા જાનીનો સાથ આપનાર બીજેડી નેતા વી.કે પાંડિયનની સામે પણ કાર્યવાહી થવી જોઈએ.