પ્લેન ટેક ઓફ થવાનું હતું, ત્યારે પાયલટે કરી આવી જાહેરાત, 19 મુસાફરો નીચે ઉતર્યા!

એક ફ્લાઈટમાં વિચિત્ર સ્થિતિ સર્જાઈ જ્યારે ટેકઓફ પહેલા 19 મુસાફરોને નીચે ઉતરવું પડ્યું. પાયલોટ દ્વારા કહેવામાં આવ્યું હતું કે પ્લેનનું વજન નિર્ધારિત મર્યાદા કરતાં વધી ગયું છે, તેથી કેટલાક મુસાફરોએ ઉતરવું પડશે. મામલો લેન્ઝારોટથી લિવરપૂલ જઈ રહેલી ઈઝીજેટ ફ્લાઈટનો છે. આ ઘટનાનો એક વીડિયો પણ સોશિયલ મીડિયા પર સામે આવ્યો છે. જે એક મુસાફર દ્વારા રેકોર્ડ કરવામાં આવ્યો છે.

ઈન્ડિપેન્ડન્ટના અહેવાલ મુજબ મુસાફરોને બહાર કાઢવાનો નિર્ણય પાઈલટના કહેવા પર લેવામાં આવ્યો હતો. વિડિયોમાં, પાયલોટને જાહેરાત કરતા સાંભળી શકાય છે કે, અહીં આવવા બદલ આપ સૌનો આભાર. જો કે લોકો વધુ થઈ ગયા છે તેથી પ્લેન થોડું વધુ ભારે થઈ ગયું છે. પવનની સ્થિતિ, હવામાન અને સલામતીની પ્રાથમિકતાઓને કારણે ફ્લાઇટ ઉપડી શકે તેમ નથી. 20 મુસાફરો લિવરપૂલ ન જવાનું પસંદ કરી શકે છે. easyJet ના કેપ્ટને 20 મુસાફરોને વિમાન છોડવા કહ્યું કારણ કે તેનું વજન વધારે હતું અને પવન અને ગરમ હવામાનને કારણે તે Lanzarote થી ટેકઓફ કરી શકશે નહીં. લૅન્ઝારોટથી લિવરપૂલની ફ્લાઇટ લગભગ 2 કલાક મોડી પડી હતી.

આ ઘટનાનો વિડિયો હવે સોશિયલ મીડિયા પર વાયરલ થઈ રહ્યો છે. જેમાં પાયલોટે પોતાની મરજીથી કેટલાક મુસાફરોને ફ્લાઇટમાંથી ઉતરવાનો વિકલ્પ પસંદ કરવાનું કહ્યું હતું. પાયલોટની અપીલ બાદ 19 મુસાફરો પોતાની મરજીથી વિમાનમાંથી ઉતરી ગયા હતા. આ સમગ્ર ઘટનામાં ફ્લાઇટ લગભગ 2 કલાક મોડી પડી હતી. આ ફ્લાઈટ રાત્રે 9.45 વાગે ટેકઓફ થવાની હતી, પરંતુ તે 11.30 વાગે ઉપડી શકી હતી. એવું કહેવામાં આવ્યું હતું કે, વિમાનમાંથી ઉતરેલા મુસાફરોને એરલાઇન કંપની દ્વારા વૈકલ્પિક વ્યવસ્થા પૂરી પાડવામાં આવી હતી.

EasyJet એ 500 યુરો સુધી આપવાની ઓફર પણ આપી હતી. કંપનીએ કહ્યું કે, મુસાફરોની સુરક્ષા અમારી સર્વોચ્ચ પ્રાથમિકતા છે. નિષ્ણાતો કહે છે કે, એરલાઇન્સ કંપનીઓ સુરક્ષાના કારણોસર અને પરિસ્થિતિ અનુસાર આવા નિર્ણયો લેતી રહે છે. કારણ કે, પ્લેનમાં વજન નિર્ધારિત મર્યાદા કરતા વધારે પ્રતિબંધિત છે.