મુર્શિદાબાદ મેડિકલ કોલેજમાં 24 કલાકમાં 9 નવજાત બાળકોના મૃત્યુ, પરિવારજનોએ લગાવ્યો ગંભીર આરોપ

West Bengal News: પશ્ચિમ બંગાળથી એક મોટા સમાચાર સામે આવી રહ્યા છે. અહીંની મુર્શિદાબાદ મેડિકલ કોલેજ હોસ્પિટલમાં છેલ્લા 24 કલાકમાં 9 નવજાત બાળકોના મૃત્યુ થયા છે. આ હચમચાવી નાખે એવી ઘટના બાદ સમગ્ર પશ્ચિમ બંગાળમાં ખળભળાટ મચી ગયો છે. મુર્શિદાબાદ મેડિકલ કોલેજના અધિકારીઓએ આ મામલે તપાસ કમિટીની રચના કરી છે. એક સાથે આટલી મોટી સંખ્યામાં બાળકોના મૃત્યુ બંગાળની આરોગ્ય વ્યવસ્થા પર પ્રશ્નાર્થ ચિહ્ન ઉભા કરી રહ્યા છે. બાળકોના પરિવારજનોએ હોસ્પિટલ પર ગંભીર બેદરકારીના આરોપ લગાવ્યા છે.