ભાજપના દિગ્ગજ નેતાએ પાર્ટીમાંથી રાજીનામું આપ્યું, કોંગ્રેસમાં જોડાયા
ભાજપ હાલ રાષ્ટ્રીય સ્તરે ભરતી મેળો ચલાવી રહ્યું છે પરંતુ ભાજપમાં જ નેતાઓ એક પછી એક પક્ષ છોડી રહ્યા છે. ભાજપના વધારે એક દિગ્ગજ નેતાએ પક્ષ છોડી દીધો છે. તેઓએ રાજીનામું ધરી દેતા ચકચાર મચી ગઇ છે.
ADVERTISEMENT
હિસારના ભાજપ સાંસદ બ્રિજેન્દ્ર સિંહે પાર્ટીમાંથી રાજીનામું આપી દીધું છે. તેણે સોશિયલ મીડિયા પ્લેટફોર્મ X પર પોસ્ટ કરીને પોતાના રાજીનામા અંગે માહિતી આપી હતી. બ્રિજેન્દ્ર સિંહે કહ્યું કે, મેં રાજકીય મજબૂરીના કારણે ભાજપના પ્રાથમિક સભ્યપદેથી રાજીનામું આપ્યું છે.
બ્રિજેન્દ્ર સિંહે ભાજપમાંથી આપ્યું રાજીનામું
હરિયાણાની હિસાર લોકસભા સીટ પરથી ભાજપના સાંસદ બ્રિજેન્દ્ર સિંહે પાર્ટીમાંથી રાજીનામું આપી દીધું છે. ભાજપ છોડીને તેઓ કોંગ્રેસમાં જોડાયા છે. બ્રિજેન્દ્ર સિંહ કોંગ્રેસ અધ્યક્ષ મલ્લિકાર્જુન ખડગેની હાજરીમાં કોંગ્રેસમાં જોડાયા હતા. આ પહેલા તેમણે સોશિયલ મીડિયા પ્લેટફોર્મ X પર પોસ્ટ કરીને ભાજપમાંથી રાજીનામું આપવાની માહિતી આપી હતી. બ્રિજેન્દ્ર સિંહે કહ્યું કે, મેં રાજકીય કારણોસર ભાજપના પ્રાથમિક સભ્યપદેથી રાજીનામું આપ્યું છે. મને હિસારના સાંસદ તરીકે સેવા આપવાની તક આપવા બદલ હું પાર્ટી (ભાજપ) તેમજ પીએમ મોદી, ભાજપના રાષ્ટ્રીય અધ્યક્ષ જેપી નડ્ડા અને અમિત શાહનો આભાર માનું છું.
કોંગ્રેસ અધ્યક્ષની હાજરીમાં પાર્ટી સાથે જોડાયા
ભાજપમાંથી રાજીનામું આપ્યા બાદ બ્રિજેન્દ્ર સિંહે દિલ્હીમાં કોંગ્રેસ અધ્યક્ષ મલ્લિકાર્જુન ખડગેના ઘરે તેમના પિતા અને પૂર્વ કેન્દ્રીય મંત્રી બિરેન્દ્ર સિંહ સાથે મુલાકાત કરી હતી. આ દરમિયાન તેમણે કોંગ્રેસનો 'હાથ' પકડ્યો હતો. હરિયાણામાં લોકસભાની 10 બેઠકો છે. જો 2019ની લોકસભા ચૂંટણીની વાત કરીએ તો ભાજપે તમામ 10 બેઠકો જીતી હતી. ભાજપના ઉમેદવાર બ્રિજેન્દ્ર સિંહ હિસારથી 314068 મતોથી ચૂંટણી જીત્યા. 2019ની લોકસભા ચૂંટણીમાં, નોકરિયાતમાંથી રાજકારણી બનેલા બ્રિજેન્દ્ર સિંહે જેજેપીના દુષ્યંત ચૌટાલા અને ભવ્ય બિશ્નોઈને હરાવીને હિસાર લોકસભા બેઠક જીતી હતી, જેઓ તે સમયે કોંગ્રેસ સાથે હતા.
ADVERTISEMENT
IAS અધિકારીની નોકરી છોડી રાજકારણમાં આવ્યા
તે પૂર્વ કેન્દ્રીય મંત્રી બિરેન્દ્ર સિંહના પુત્ર છે અને IASની નોકરી છોડીને ચૂંટણી મેદાનમાં ઉતર્યા હતા. ભાજપના પૂર્વ સાંસદ બ્રિજેન્દ્ર સિંહના પિતા બિરેન્દ્ર સિંહ 2022 સુધી રાજ્યસભાના સભ્ય હતા. તેઓ 1977, 1982, 1994, 1996 અને 2005માં પાંચ વખત ઉચાનાથી ધારાસભ્ય ચૂંટાયા હતા અને ત્રણ વખત રાજ્ય સરકારમાં મંત્રી રહી ચૂક્યા છે. બિરેન્દ્ર સિંહ 1984માં ઓમપ્રકાશ ચૌટાલાને હરાવીને હિસાર લોકસભા સીટથી સાંસદ બન્યા હતા.
ADVERTISEMENT