ઉત્તરકાશીમાં 40 જિંદગીઓને બચાવવાની જંગ યથાવત્, ટનલમાં ફસાયેલા શ્રમિકોને પાઈપથી પહોંચાડવામાં આવી રહ્યું છે ઓક્સિજન

40 શ્રમિકો ટનલમાં ફસાયેલા

બ્રહ્મખાલ-યમુનોત્રી નેશનલ હાઈવે પર નિર્માણાધીન સિલ્ક્યારા ટનલનો એક ભાગ રવિવારે લેન્ડ સ્લાઈડને કારણે તૂટી ગયો હતો. જેના કારણે આ ટનલમાં કામ કરી રહેલા 40 શ્રમિકો તેમાં ફસાયા છે. ઉત્તરાખંડના સર્કલ ઓફિસર પ્રશાંત કુમારે કહ્યું છે કે, સુરંગની અંદર 40 લોકો ફસાયેલા છે અને તેમનો સંપર્ક કરવામાં આવ્યો છે. આ તમામ લોકો સુરક્ષિત છે અને તેમને પાઈપ લાઈનો દ્વારા ઓક્સિજન અને પાણી પહોંચાડવામાં આવી રહ્યું છે. ટનલની અંદર જવા માટે બાજુથી રસ્તો બનાવવામાં આવી રહ્યો છે.

#WATCH | Uttarakhand | On Uttarkashi Tunnel accident, Prashant Kumar, Circle Officer of Uttarkashi says, "40 people are trapped inside the tunnel. All are safe, we have provided oxygen and water to them…"

"The present situation is, that yesterday we established communication… pic.twitter.com/KWBVtN0ks8

— ANI (@ANI) November 13, 2023

ચાલી રહી છે બચાવ કામગીરી

40 લોકોના જીવ બચાવવા માટે મોટા પાયે બચાવ કામગીરી ચલાવવામાં આવી રહી છે. આ ઓપરેશનમાં NDRF, SDRF અને પોલીસકર્મીઓ લાગેલા છે. એવું કહેવામાં આવી રહ્યું છે કે ફસાયેલા શ્રમિકોને પાઈપ દ્વારા ખાવા માટે ચણા પહોંચાડવામાં આવ્યા છે. ટનલમાં ફસાયેલા શ્રમિકોમાંથી 4 બિહારના, 2 ઉત્તરાખંડના, 3 પશ્ચિમ બંગાળના અને 5 ઓડિશાના છે.

On the eve of Diwali festival , 40 workers still trapped inside the under construction tunnel in Silkyara (Uttarkashi) due to collapse of ~50mtrs section

Rescue operation undergoing , hopefully all will be rescued safely soon#Uttarakhand pic.twitter.com/Lw3hgraeWj

— Weatherman Shubham (@shubhamtorres09) November 12, 2023

સૌથી વધુ શ્રમિકો ઝારખંડના

ટનલમાં ફસાયેલા મજૂરોમાં સૌથી વધુ 15 શ્રમિકો ઝારખંડના છે. યુપીના 8 શ્રમિકો પણ અંદર ફસાયા છે. આ સિવાય આસામના બે અને હિમાચલના એક મજૂર પણ અંદર છે.