PCS ઓફિસર પત્નીનું અધિકારી સાથે ચક્કર ચાલતું હોવાનો દાવો કરનારા પતિ પર જ્યોતિ મૌર્યના ગંભીર આક્ષેપ

સૌથી પહેલા જાણી લો જ્યોતિ મૌર્યની સ્ટોરી
ઉત્તર પ્રદેશના બનારસના રહેવાસી જ્યોતિ મૌર્યના પિતા એક નાની અનાજ દળવાની ઘંટી ચલાવે છે, જેના પર તેમનો આખો પરિવાર નિર્ભર છે. જ્યોતિ જ્યારે ગ્રેજ્યુએશન કરી રહી હતી ત્યારે તેના લગ્ન થઈ ગયા. જણાવી દઈએ કે જ્યોતિ મૌર્યના લગ્ન વર્ષ 2010માં થયા હતા અને તેમણે લગ્ન બાદ જ પોતાનું ગ્રેજ્યુએશન પૂરું કર્યું હતું. જ્યોતિ મૌર્યના પતિ આલોક મૌર્યએ તેમનું ગ્રેજ્યુએશન પૂરું કરાવ્યું અને UPPCS કોચિંગ પ્રયાગરાજમાં કરાવ્યું. કારણ કે જ્યોતિ અભ્યાસમાં ખૂબ સારી હતી. ત્યારબાદ વર્ષ 2015માં જ્યોતિ PCSમાં સિલેક્ટ થઈ. તેણે 2015ની PCS પરીક્ષામાં 16મો રેન્ક મેળવ્યો હતો.

હાલમાં જ્યોતિ બરેલીમાં પોસ્ટેડ છે
ઘણા જિલ્લાઓમાં એસડીએમ રહ્યા બાદ તેઓ હાલમાં બરેલીની એક સુગર મિલમાં જીએમ તરીકે તૈનાત છે. એવું કહેવાય છે કે જ્યારે જ્યોતિ મૌર્ય સફળ થઈ, ત્યારે તેણે તેના સસરા અને પતિને શ્રેય આપ્યો. PCS ઓફિસર બન્યા બાદ જ્યોતિને જૌનપુર, કૌશામ્બી, પ્રતાપગઢ, પ્રયાગરાજ અને લખનઉમાં પોસ્ટ કરવામાં આવી છે. જ્યોતિ મૌર્યના લગ્ન પછી, તેને જોડિયા દીકરીએ પણ થઈ, જે હાલમાં તેની સાથે રહે છે.

આ આલોક મૌર્યની સ્ટોરી છે
બીજી તરફ જો જ્યોતિ મૌર્યના પતિ આલોક મૌર્યની વાત કરીએ તો તે મૌર્ય પ્રયાગરાજના રહેવાસી છે. તેમના પિતા વ્યવસાયે શિક્ષક હતા, જેઓ કૌશામ્બીમાં નિવૃત્ત થયા પછી પ્રયાગરાજમાં જ રહેવા લાગ્યા. આલોક મૌર્યએ પ્રયાગરાજમાં રહીને પોતાનો અભ્યાસ કર્યો હતો. તેણે અહીં ગ્રેજ્યુએશન કર્યું અને પરીક્ષાની તૈયારી કરી રહ્યો હતો. પ્રાપ્ત માહિતી અનુસાર, તેમને પંચાયતી રાજ વિભાગમાં સફાઈ કામદાર તરીકે પ્રથમ નોકરી મળી હતી. તે જ સમયે, તેને પોલીસ વિભાગમાં નોકરી પણ મળી, પરંતુ કોઈ કારણસર તે ત્યાં ગયો ન હતો. હાલમાં આલોક કુમાર મૌર્ય પ્રતાપગઢના પંચાયતી રાજ વિભાગમાં તૈનાત છે.

હવે લગ્નનું કાર્ડ વાયરલ થઈ રહ્યું છે
આલોક મૌર્ય અને જ્યોતિ મૌર્ય વચ્ચેના વિવાદમાં નવો વળાંક આવ્યો છે, જેમાં જ્યોતિએ મીડિયાની સામે લગ્નનું કાર્ડ આપ્યું છે. લગ્નના કાર્ડ મુજબ, આલોક મૌર્યએ પોતાને ગ્રામ પંચાયત અધિકારી તરીકે દર્શાવ્યા હતા. સાથે જ જ્યોતિ કહે છે કે તેના પતિએ તેને ઓફિસર હોવાનું કહીને તેની સાથે લગ્ન કર્યા હતા, પરંતુ સત્ય કંઈક બીજું જ બહાર આવ્યું.

બીજી તરફ જ્યોતિના પતિ આલોક મૌર્ય કહે છે, “આ કાર્ડ મને ફસાવવા માટે છપાવવામાં આવ્યું છે. કારણ કે જ્યારે તેમના લગ્ન થયા ત્યારે તે શિક્ષક ન હતી, તે માત્ર અભ્યાસ કરતી હતી. કાર્ડ સંપૂર્ણપણે ખોટું છે.” આલોક મૌર્યનું એમ પણ કહેવું છે કે તેની પત્ની પાસે કોઈ વાત નથી તેથી લગ્નના કાર્ડને તેના પર આરોપ લગાવવાનું સાધન બનાવવામાં આવી રહ્યું છે. આલોકના મતે લગ્નના કાર્ડમાં તારીખ, દિવસ, નામ અને સરનામું સાચુ છે પરંતુ તેમના નામની નીચે ગ્રામ પંચાયત અધિકારી લખેલું ખોટું છે.