સમુહ લગ્નમાં વરરાજા વગર સેંકડો કન્યાઓએ લગ્ન કરી લીધા! કૌભાંડ જાણીને માથું પકડી લેશો

• UPના બલિયા જિલ્લામાં મુખ્યમંત્રી સમૂહ લગ્ન યોજનામાં ગોટાળાનો ખુલાસો થયો
• 25 જાન્યુઆરીના રોજ યોજાયેલા સમૂહ લગ્નમાં, ઘણી દુલ્હનોએ વર વગર વરમાળા પહેરી હોવાનું સામે આવ્યું.
• સરકાર પાસેથી સમુહ લગ્નના નામે 51 હજારની સહાય મેળવી લેવાઈ.

UP News: ઉત્તર પ્રદેશના બલિયામાં મુખ્યમંત્રી સમૂહ લગ્ન યોજનામાં છેતરપિંડી સામે આવી છે. 25 જાન્યુઆરીએ અહીં 568 યુગલોએ લગ્ન કર્યા હતા. પરંતુ આમાં મોટી સંખ્યામાં વરરાજાઓ વગર કન્યાના લગ્ન કરાવી દેવામાં આવ્યા હતા. તેનો વીડિયો પણ સામે આવ્યો છે. જેમાં કેટલીક કન્યાઓ પોતે જ વરમાળા પહેરતા દેખાય છે. હાલમાં આ મામલે FIR નોંધવામાં આવી છે અને તપાસના આદેશ આપવામાં આવ્યા છે.