પાકિસ્તાને સંયુક્ત રાષ્ટ્રમાં ફરી કાશ્મીરનો રાગ આલાપ્યો, ભારતે એવો જવાબ આપ્યો કે ભોંઠુ પડ્યું

ભારતે સુરક્ષા પરિષદમાં ‘આંતરરાષ્ટ્રીય શાંતિ અને સલામતી જાળવવી: સામાન્ય વિકાસ દ્વારા સ્થાયી શાંતિને પ્રોત્સાહન આપવું’ વિષય પર ખુલ્લી ચર્ચામાં આ જવાબ આપ્યો.

પાકિસ્તાને શું કહ્યું?

પાકિસ્તાનના સંયુક્ત રાષ્ટ્રના રાજદૂત મુનીર અકરમે પોતાની ટિપ્પણીમાં કાશ્મીરનો ઉલ્લેખ કર્યો હતો, ત્યારબાદ ચીનની અધ્યક્ષતામાં ચર્ચાનું આયોજન કરવામાં આવ્યું હતું. મીટિંગમાં એજન્ડા અને ચર્ચાના વિષયને ધ્યાનમાં લીધા વિના, પાકિસ્તાન યુએનના વિવિધ મંચોમાં સતત જમ્મુ અને કાશ્મીરનો મુદ્દો ઉઠાવી રહ્યું છે પરંતુ ધ્યાન ખેંચવામાં નિષ્ફળ રહ્યું છે.

ભારત શું કહે છે?

ભારતે આંતરરાષ્ટ્રીય સમુદાયને સ્પષ્ટપણે કહ્યું છે કે, જમ્મુ-કાશ્મીરમાંથી કલમ 370 હટાવવાનો તેનો આંતરિક મામલો છે. તેણે પાકિસ્તાનને વાસ્તવિકતા સ્વીકારવાની અને તમામ ભારત વિરોધી પ્રચાર બંધ કરવાની સલાહ પણ આપી હતી. નવી દિલ્હીએ ઈસ્લામાબાદને કહ્યું છે કે તે આતંકવાદ, દુશ્મનાવટ અને હિંસાથી મુક્ત વાતાવરણમાં પાકિસ્તાન સાથે સામાન્ય પડોશી સંબંધો ઈચ્છે છે.