OTT ના નામે ગંદકી નહી ચલાવી લેવામાં આવે, કેન્દ્રીય મંત્રી અનુરાગ ઠાકુરે ચેતવણી ઉચ્ચારી

અનુરાગ ઠાકુરે ફિલ્મી સ્ટાઇલમાં કહ્યું કાયદામાં રહેશો તો જ ફાયદામાં રહેશો
અનુરાગ ઠાકુરે કહ્યું કે, કોઈ વ્યક્તિ ક્રિએટિવિટીના નામે આ નિયમોનું પાલન નહીં કરે તો તેમની સામે કડકમાં કડક કાર્યવાહી કરવામાં આવશે. અસભ્યતાને કોઈ પણ કાળે સ્વીકારી લેવામાં આવશે નહીં. ખાસ કરીને ક્રિએટીવીટીના નામે ! જેને લઈને ગમે તેવા આકરા પગલાં લેવાની જરૂર જણાશે તો પણ સરકાર પીછેહટ કરશે નહીં. મંત્રીએ વધુમાં જણાવ્યું કે, અત્યાર સુધી જે પ્રક્રિયા ચાલી રહી છે તેમાં પ્રોડ્યુસર પોતાના લેવલથી જ આ ફરિયાદોને દૂર કરવી પડશે. જેમાં 90 થી 92 ટકા ફરિયાદો તેમના ફેરફારો દ્વારા દૂર કરી શકાશે. ત્યારબાદ આ ફરિયાદોનું એસોસિએશન તેના સ્તરેથી નિરાકરણ કરવામાં આવે છે. જેમાં મોટાભાગની ફરિયાદો દૂર થઈ શકે છે ત્યારબાદ સરકારના લેવલેથી જે ફરિયાદ કરવાની વાત આવે ત્યારે વિભાગીય કમિટી પર જે તે નિયમ મુજબ કાર્યવાહી કરવામાં આવે છે.

क्रिएटिविटी के नाम पर गाली गलौज, असभ्यता बर्दाश्त नहीं की जा सकती।

ओटीटी पर बढ़ते अश्लील कंटेंट की शिकायत पर सरकार गंभीर है।अगर इसको लेकर नियमों में कोई बदलाव करने की ज़रूरत पड़ी तो @MIB_India उस दिशा में भी पीछे नहीं हटेगा। अश्लीलता, गाली गलौज रोकने के लिए कड़ी कार्यवाई करेगा। pic.twitter.com/6pOL66s88L

— Anurag Thakur (@ianuragthakur) March 19, 2023

વારંવાર ફરિયાદોના કારણે વિભાગે કડક હાથે કાર્યવાહી શરૂ કરી
અગાઉ કરતાં ફરિયાદો વધી હોવાથી વિભાગ પણ આ બાબતે ખૂબ ગંભીરતાથી કાર્યવાહી કરી રહ્યું છે. આ મામલે થોડા ઘણા ફેરફારની જરૂર જણાશે તો તેમ કરવામાં આવશે. વધુમાં તેમણે મીડિયાને પણ અપીલ કરી હતી કે, દેશ-વિરોધના સમાચારોને સ્થાન ન આપવું જોઈએ. દેશની એકતા સાથે ચેડાં કરનાર સામે મીડિયાએ પણ સાવધાન રહેવું જોઈએ. મંત્રીનું આ નિવેદન રાહુલ ગાંધીના કેમ્બ્રિજ નિવેદન અંગે તેમનો કટાક્ષ હતો. જો કે હવે ઓટીટી કંટેન્ટ પર સરકાર શું કાર્યવાહી કરે છે તે તો સમય જ કહેશે.હાલ તો સરકારે ખોંખારા પુંછડુ પછાડ્યું છે.