Ukraine attack on Moscow: યુક્રેનનો રાતના અંધારામાં રશિયા પર મોટો ડ્રોન હુમલો, મોસ્કો એરપોર્ટ બંધ કરાયું

એરપોર્ટ બંધ કરાયું

આ હુમલા બાદ રશિયાએ મોસ્કોનું વનુકોવો એરપોર્ટ બંધ કરી દીધું છે અને અહીંથી આવતી ફ્લાઈટ્સને રીડાયરેક્ટ કરી છે. યુક્રેનિયન સરહદથી લગભગ 500 કિમી (310 માઇલ) દૂર સ્થિત મોસ્કો અને તેની આસપાસના પ્રદેશને યુક્રેનમાં સંઘર્ષ દરમિયાન ભાગ્યે જ ડ્રોન દ્વારા નિશાન બનાવવામાં આવ્યું છે.

રશિયાએ અમેરિકા પર આરોપ લગાવ્યો છે

આ મહિનાની શરૂઆતમાં, શહેરના દક્ષિણપશ્ચિમમાં એરપોર્ટ પર શ્રેણીબદ્ધ ડ્રોન હુમલાઓએ થોડા સમય માટે હવાઈ ટ્રાફિકમાં વિક્ષેપ પાડ્યો હતો. રશિયાએ કહ્યું કે તેણે તે રાત્રે પાંચ યુક્રેનિયન ડ્રોન તોડી પાડ્યા. રશિયાના વિદેશ મંત્રાલયે કહ્યું છે કે ‘યુએસ અને તેના નાટો સહયોગીઓ દ્વારા કિવ શાસનને આપવામાં આવતી મદદ વિના આવા હુમલા શક્ય નહોતો’.

શુક્રવારે, રશિયાએ જણાવ્યું હતું કે તેણે યુક્રેનની સરહદે દક્ષિણી રોસ્ટોવ પ્રદેશમાં બે યુક્રેનિયન મિસાઇલોને રોકી હતી, જેમાં કાટમાળ ટાગનરોગ શહેર પર પડ્યો હતો, જેમાં ઓછામાં ઓછા 16 લોકો ઘાયલ થયા હતા. ગયા વર્ષે ફેબ્રુઆરીમાં મોસ્કો દ્વારા શરૂ કરાયેલી સૈન્ય કાર્યવાહીની શરૂઆતથી યુક્રેનની સરહદે આવેલા વિસ્તારોમાં નિયમિત ડ્રોન હુમલા અને તોપમારો જોવા મળે છે.

પુતિને આ વાત કહી

રશિયન પ્રમુખ વ્લાદિમીર પુતિને શનિવારે કહ્યું હતું કે આફ્રિકન પહેલ યુક્રેનમાં શાંતિનો આધાર બની શકે છે, પરંતુ યુક્રેનિયન હુમલાઓ સમસ્યાને જટિલ બનાવી રહ્યા છે. પુતિન શુક્રવારે સેન્ટ પીટર્સબર્ગમાં આફ્રિકન નેતાઓને મળ્યા બાદ મીડિયા સાથે વાત કરી રહ્યા હતા.

થોડા દિવસ પહેલા હુમલો કર્યો હતો

તમને જણાવી દઈએ કે થોડા દિવસો પહેલા યુક્રેન દ્વારા રશિયાના કબજા હેઠળના માકિવ્કા શહેર પર હુમલો કરવામાં આવ્યો હતો. રાત્રે કરવામાં આવેલા હુમલામાં યુક્રેનની સેનાએ અમેરિકા પાસેથી મેળવેલા હિમરાસ રોકેટ (HIMRAS)નો ઉપયોગ કર્યો હતો. યુક્રેનની સેનાએ બે રોકેટ ટાર્ગેટ કરીને ઓઈલ અને ઓર્ડનન્સ ડેપો પર ફાયરિંગ કર્યું. રોકેટે ટાર્ગેટ પર સચોટ રીતે પડ્યું. જ્યારે રોકેટ અથડાયું ત્યારે પ્રથમ વિસ્ફોટ નાનો હતો. પણ ધીરે ધીરે તે મોટો થવા લાગ્યો. હથિયારોના ભંડારમાં આગ લાગવાને કારણે ત્યાંથી નાના રોકેટ છૂટી રહ્યા હતા. વિસ્ફોટ થયો હતો. થોડી વાર પછી બીજો મોટો વિસ્ફોટ થયો. બહું મોટો આ બ્લાસ્ટ ઓઈલ ડેપોમાં થયેલા વિસ્ફોટને કારણે થયો હતો.

આ પહેલા અમેરિકાના જોઈન્ટ ચીફ ઓફ સ્ટાફ જનરલ માર્ક એ માઈલીએ કહ્યું હતું કે યુક્રેનની સેના ધીમે ધીમે અને રણનીતિ સાથે આગળ વધી રહી છે. જો કે, યુક્રેનને રશિયાના કબજા હેઠળના વિસ્તારોને ફરીથી કબજે કરવામાં સમય લાગી રહ્યો છે. આમાં વિલંબ થવાથી સમસ્યા થઈ શકે છે. તે જેટલો લાંબો સમય સુધી ખેંચશે, તેટલું વધુ જીવન અને સંપત્તિનું નુકસાન થશે.