MP, રાજસ્થાન અને છત્તીસગઢમાં કોણ બનશે CM? અટકળોની વચ્ચે ચૂંટણી જીતેલા આ સાંસદોએ આપ્યા રાજીનામા

મધ્યપ્રદેશ, રાજસ્થાન અને છત્તીસગઢ સહિત 4 રાજ્યોમાં વિધાનસભાની ચૂંટણી જીતેલા ભાજપના તમામ સાંસદો અને કેન્દ્રીય મંત્રીઓએ પોતાના પદ પરથી રાજીનામા આપ્યા છે. આ તમામ નેતાઓ ધારાસભ્ય તરીકે કામ કરશે અને તેમના રાજ્યમાં ભાજપને મજબૂત કરશે. તમામ સાંસદો બુધવારે લોકસભા સ્પીકરના કાર્યાલય પહોંચ્યા અને તેમના રાજીનામા સુપરત કર્યા. આ નિર્ણય બાદ મધ્યપ્રદેશ, રાજસ્થાન અને છત્તીસગઢમાં સીએમ પદને લઈને અટકળોએ જોર પકડ્યું છે. વાસ્તવમાં કૃષિ મંત્રી નરેન્દ્ર સિંહ તોમર અને પ્રહલાદ પટેલ મધ્ય પ્રદેશમાં ચૂંટણી લડ્યા હતા અને જીત્યા પણ હતા. આવી સ્થિતિમાં તેમના રાજીનામા બાદ અટકળો તેજ થઈ રહી છે કે શું તેઓ મુખ્યમંત્રી બનશે?