ભારતીય નૌકાદળની શક્તિમાં થશે વધારો, PM મોદી ફ્રાંસ સાથે કરશે 96 હજાર કરોડની ડીલ

વડાપ્રધાન નરેન્દ્ર મોદી 14 થી 16 જુલાઈ સુધી ફ્રાંસના પ્રવાસે જઈ રહ્યા છે. એવી અપેક્ષા છે કે આ સમય દરમિયાન ભારત સરકાર 26 રાફેલ-એમ અને ત્રણ સ્કોર્પિન સબમરીન ખરીદવા માટે ફ્રાન્સ સાથે ડીલ કરશે. આ ડીલ લગભગ 96 હજાર કરોડ રૂપિયાની હશે. રાફેલ એમ એટલે કે રાફેલ મરીન ફાઈટર જેટ. 26 Rafale-M ફાઈટર જેટમાંથી 22 ફાઈટર જેટ સિંગલ સીટર હશે. જ્યારે ચાર ડબલ સીટર ટ્રેનિંગ ફાઇટર હશે. તેમની ડીલ 90 હજાર કરોડમાં થશે. આ સિવાય પ્રોજેક્ટ 75 હેઠળ ત્રણ વધારાની સ્કોર્પિન ક્લાસ સબમરીન ભારતમાં લાવવામાં આવશે. રાફેલ-એમ ફાઈટર જેટ ભારતીય નૌકાદળના એરક્રાફ્ટ કેરિયર્સ પર તૈનાત કરવામાં આવશે.