'સર ઘરે જવું પડશે...' ઓફિસમાં ખોટું બોલીને મેચ જોવા પહોંચી, બોસ TV પર જોઈ ગયા

ઓફિસમાં ખોટું બોલીને મેચ જોવા પહોંચી 

નેહા દ્વિવેદી નામની એક ઈન્સ્ટાગ્રામ યુઝરે એક રીલ શેર કરીને કહ્યું કે તે ઘરે ઈમરજન્સી હોવાનું કહીને ઓફિસમાંથી જલ્દી નીકળી ગઈ હતી. વાસ્તવમાં તે બેંગલુરુ અને લખનઉ વચ્ચેની IPL મેચ જોવા જવાની હતી, પરંતુ ઓફિસમાંથી રજા મળી રહી નહોતી તેથી તેણે બહાનું બનાવ્યું હતું અને મેચ જોવા ગઈ હતી.  

 

 

 

 

View this post on Instagram

 

 

 

 

 

 

 

 

 

 

 

A post shared by Neha Dwivedi (@mishraji_ki_bitiya)

બોસનો આવ્યો મેસેજ

મેચ ટીવી પર લાઈવ ચાલી રહી હતી, તેના બોસ પણ મેચ જોઈ રહ્યા હતા. જ્યારે કેમેરાનું ફોકસ તેના પર આવ્યું. ત્યારે ટીવી પર બોસ તેને જોઈ ગયા. જે બાદ તરત જ બોસે મેસેજ કરીને પૂછ્યું, ''શું તું RCBની ફેન છો?" નેહાએ જવાબ આપ્યો- હા કેમ?

અનુજ રાવતે કેચ કરી દીધો હતો મિસ

બોસે કહ્યું કે, તને ગઈકાલે નિરાશા થઈ હશે. કાલે કેચ મિસ થતાં મેં સ્ટેડિયમમાં તને નિરાશ થતાં જોઈ હતી. જે બાદ બોસે જણાવ્યું કે 16.3 ઓવર પર કીપરે કેચ મિસ કરી દીધો હતો. નેહાએ જવાબ આપ્યો, અનુજ રાવતે કેચ મિસ કરી દીધો હતો. બોસે કહ્યું કે એટલા માટે તુ ગઈકાલે ઓફિસથી જલદી ઘરે જતી રહી હતી?

યુવતીએ ઈન્સ્ટાગ્રામ પર શેર કર્યો વીડિયો

નેહાએ બોસની સાથે થયેલી વાતચીત અને સ્ટેડિયમમાં મેચનો વીડિયો ઈન્સ્ટાગ્રામ પર શેર કર્યો, જે વાયરલ થઈ ગયો. હવે આ વીડિયો પર લોકોની કોમેન્ટ્સ આવી રહી છે. એક યુઝરે લખ્યું કે આ તો સ્ક્રિપ્ટેડ લાગી રહ્યો છે. અન્ય એક યુઝરે લખ્યું કે આવું ઘણીવાર થઈ ચૂક્યું છે.