કોહલીની પુત્રી પર બળાત્કાર કરવાની ‘ધમકી’ આપનાર આરોપીનો કેસ કોર્ટે રદ્દ કરી દીધો

મુંબઇ પોલીસના સાયબર સેલ દ્વારા 11 નવેમ્બરે ધરપકડ કરવામાં આવી
મુંબઈ પોલીસના સાયબર ક્રાઈમ સેલ દ્વારા 11 નવેમ્બર, 2021ના રોજ અકુબાથિનીની ધરપકડ કરવામાં આવી હતી. સ્થાનિક કોર્ટે તેને 9 દિવસ બાદ જામીન આપ્યા હતા. તેણે ફેબ્રુઆરી 2022માં હાઈકોર્ટમાં એફઆઈઆર રદ કરવાની માંગ કરી હતી. તેણે દલીલ કરી હતી કે, તે એક હોશિયાર વિદ્યાર્થી અને JEE (એડવાન્સ) પરીક્ષામાં રેન્ક ધારક હતો અને નોકરી માટે વિદેશ જવા માંગતો હતો, પરંતુ કોહલીને સંડોવતો કેસ તેની કારકિર્દીમાં અવરોધ ઉભો કરી રહ્યો હતો. કોહલી આ કેસને બરતરફ કરવા સંમત થયો. આ કેસ પર સોમવારે ફરિયાદી (કોહલી પક્ષે) એ એફિડેવિટ દાખલ કરી અને કેસને બરતરફ કરવા સંમત થયા. ત્યારપછી હાઈકોર્ટે તેની સામે નોંધાયેલી એફઆઈઆર રદ કરી હતી.

જાણો શું છે સમગ્ર મામલો?
આ મામલે કાર્યવાહી કરતા 10 નવેમ્બરના રોજ હૈદરાબાદમાંથી આ ધમકી આપવાના આરોપમાં એક વ્યક્તિની ધરપકડ કરવામાં આવી હતી. આ પછી કોર્ટે 21 નવેમ્બરે આરોપીને જામીન આપ્યા હતા. કોર્ટે દલીલ કરી હતી કે આ કેસમાં IT એક્ટની કલમ 67B હેઠળ આરોપીઓ વિરુદ્ધ કેસ કરવામાં આવતો નથી. જામીન મળ્યા બાદ આરોપીએ કેસ રદ્દ કરવા માટે અરજી પણ કરી હતી. સોમવાર, 10 એપ્રિલ, 2023 ના રોજ આ મામલે સુનાવણી હાથ ધરવામાં આવી હતી અને ત્યારબાદ એફઆઈઆર રદ કરવામાં આવી હતી.