1700 કરોડનો બ્રિજ એક ચોમાસુ ન ખમી શક્યો! બિહાર ભાગલપુરમાં ગંગા નદી પર બની રહેલો પુલ તુટી પડ્યો

ભાગલપુર-સુલતાનગંજમાં બની રહેલા અગુવાની પુલના તૂટી પડવાનો વીડિયો સામે આવ્યો છે. થોડી જ વારમાં આખો પુલ ગંગા નદીમાં ડૂબી ગયો. આશ્ચર્યની વાત તો એ છે કે, બે વર્ષ પહેલા પણ આ પુલનો એક ભાગ તોડી પાડવામાં આવ્યો હતો. એવું કહેવામાં આવી રહ્યું છે કે, આ બ્રિજ 1717 કરોડના ખર્ચે બની રહ્યો છે. એપ્રિલમાં આવેલા તોફાનના કારણે આ નિર્માણાધીન પુલનો કેટલોક ભાગ પણ ક્ષતિગ્રસ્ત થયો હતો. ખાગરિયા-અગુવાની-સુલતાનગંજ વચ્ચે ગંગા નદી પર બનાવવામાં આવી રહેલા મહાસેતુનો મધ્ય ભાગ તૂટી પડ્યો હતો. પુલનો ઉપરનો ભાગ નદીમાં ડૂબી ગયો છે.